Regter kap na rykes, media, kritici

2012-10-27 23:57

Hoofregter Mogoeng Mogoeng het ’n vurige aanval geloods op “ryk en invloedryke” mense in die media en in die geledere van opposisiepartye wat die regbank kritiseer.

Hy het by ’n afskeidsgeleentheid van die uittredende regter-president Bernard Ngoepe, wat eersdaags aftree, gesê geregtelike onafhanklikheid sal “mank” wees as dié onafhanklikheid beteken die regbank is slegs van die regerende party onafhanklik.

Mogoeng het gemaan vir versigtigheid oor wat “uitgesproke opposisieleiers met goeie hulpbronne aan ’n mens kan doen”, asook die hulpbronne “wat die ryk en magtiges teen jou kan gebruik” en die “belaglike kritiek en verkeerde inligtingsveldtogte in die media”.

“Uit vrees om gebrandmerk te word as pro- uitvoerende gesag of konserwatief, kan jy geïntimideer word om ’n sekere rigting in te slaan. Dít sodat jy die kategorisering as progressief kan verdien – wat dit ook al deesdae beteken – en dan is jy nie onafhanklik nie.”

Mogoeng het diegene wat “in die gewoonte is om gal te braak teen regsamptenare”, maar terselfdertyd eerste is om tot die regbank se verdediging te kom te midde van kritiek deur ander, gemaan om versigtig te wees wanneer hulle regters kritiseer.

“Alles het perke,” het Mogoeng gesê.

Mogoeng het Ngoepe se sterk onafhanklikheid geprys en gesê dié gerespekteerde juris het nooit “simptome gemanifesteer” van iemand wat na ander se goedkeuring smag nie.

Mogoeng se toespraak het gevolg op een wat hy vroeër die dag gelewer het waarin hy die Regterlike Dienskommissie (RDK) se reg verdedig het om aanbevelings vir die regbank te maak soos hy goed dink.

Mogoeng is ook die voorsitter van die RDK.

Hy het gesê: “Geen ontleder, drukgroep, organisasie óf mediagroep behoort onder die indruk te verkeer dat ons daartoe in staat is om onder druk geplaas te word of geïntimideer te word om húl voorkeur-kandidate aan te stel nie.”

Op aantygings dat ál minder geskikte kandidate hulself beskikbaar stel vir poste op die regbank omdat die RDK blykbaar vooraf polities gemotiveerde keuses maak, het Mogoeng gesê die RDK weet nie daarvan nie.



Lees Rapport se kommentaarbeleid

Lewer kommentaar op hierdie artikel
31 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-22°C Morning clouds. Mild. Pta: 11-26°C Morning clouds. Pleasantly warm.
Jhb: 8-21°C Showers early. Morning clouds. Mild. Bfn: 3-24°C Sunny. Mild.
Dbn: 11-23°C Morning clouds. Mild. PE: 8-20°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!