Regulering: Meer vrae as antwoorde

2012-02-04 22:49

Kan Suid-Afrika se media ’n kragtige onafhanklike waghond kry of is dit ’n verskuilde poging van die ANC om die media te beheer?

Die regulering van Suid-Afrika se drukmedia word binnekort weer in die parlement gedebatteer en reeds word uiteenlopende menings gehoor oor wat die eintlike bedoeling agter die ANC se planne met so ’n reguleringsliggaam is.

Die debat kan tot die totstand­koming van ’n omstrede media­appèltribunaal (MAT) lei.

Terwyl politici en ander volhou Suid-Afrika se mediawaghond moet sterk, maar ook volkome vry van politieke inmenging wees, voer die ANC aan dat hy hom eintlik beywer vir ’n onafhanklike liggaam “in dieselfde trant as die openbare beskermer of Onafhanklike Verkiesingskommissie”.

Dit kom nadat die ANC die afgelope week voor die Persvryheidskommissie (PVK) gesê het hy is nie tevrede met die bestaande vorme van regulering van die pers nie. Die persombudsman en -raad is “ondoeltreffend”, meen die ANC.

Adv. Thuli Madonsela, die openbare beskermer, het egter Woensdag die kommissie gewaarsku as die parlement oor dié regulering gaan beslis, is daar ’n besliste gevaar van politieke inmenging.

Hoewel sy groot respek vir die parlement het, is dit ’n struktuur van politici.

“Geen debat gaan daarom deur die parlement sonder politieke invloed nie.”

Madonsela het gesê die persombudsman sal doeltreffender wees as hy sy eie identiteit kry, onafhanklik van dié van die persraad.

“’n Ombudsman-instelling met uiterse integriteit sal werk. Ons glo die persombudsman moet die kern-oorsigrol in die drukmedia hê, maar met meer bytkrag.”

Me. Ferial Haffajee, redakteur van City Press , het namens Media24 aan die kommissie gesê dit sal verkieslik wees dat die bestaande persreguleerders versterk word, eerder as dat die MAT tot stand gebring word.

“Media24 het ’n nuwe perskode met baie strenger reëls aangeneem wat tot veranderings gelei het in hoe ons etiese besluitneming bestuur, hoe ons die personeel bestuur, hoe ons etiek leer en hoe ons bevindings kommunikeer.

“Die stelsel werk. En ek glo met sekere veranderings sal die appèlstelsel selfs ’n groter verantwoordelikheidsmeganisme oplewer met ’n veel groter impak as ’n MAT, wat in werklikheid ’n stelsel van sensorskap of staatsgeleide regulering is.”

Die DA gaan die MAT in die parlement teenstaan, berig Sapa.

Mnr. Mmusi Maimane, DA-woordvoerder, het gesê die parlement moet eerder persvryheid versterk met wetgewing wat die persombudsman se bevindings wetlik bindend maak.

Mnr. Sikhumbuzo Kholwane, voorsitter van die parlementêre portefeuljekomitee oor kommunikasie, het eergister aan Rapport gesê die presiese datum vir die parlementêre debat moet nog vasgestel word en net die parlement kan dit doen.

Kholwane sê dié aangeleentheid is baie sensitief, “amper soos met die ontbinding van die Skerpioene”, en daarom sal albei huise van die parlement, die Nasionale Vergadering en die Nasionale Raad van Provinsies betrokke wees.

“Sodra die parlement die groen lig gee, sal die proses aan die gang gesit word.”

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 12-18°C Morning clouds. Mild. Pta: 4-21°C Sunny. Mild.
Jhb: 4-16°C Sunny. Cool. Bfn: -2-17°C Sunny. Mild.
Dbn: 8-21°C More sun than clouds. Cool. PE: 11-17°C Sunny. Mild.
7-dag-voorspelling...

Betrekkinge - Vind jou droomwerk

Filing Clark

Johannesburg CBD
Tranquility Recruitment
R7 500 - R8 500 Per Month

Marketing Development Manager – Trainee

Brooklyn
Capital Growth
R1 500 - R4 000 Per Week

PA

Randburg
Tranquility Recruitment
R8 500 - R12 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!