'Roekelose' Vavi hou nie mond

2012-12-22 23:58

Cosatu het ’n bloedneus gekry op die ANC se konferensie in Mangaung en die verhouding tussen Zwelinzima ­Vavi, die vakverbond se uitgesproke hoofsekretaris, en die ANC is versuur.

Cosatu het ’n dag ná die ANC-konferensie gesê hy gaan sy stryd teen arbeidsmakelaars, e-tol en die Wetsontwerp op die Beskerming van Staatsinligting in 2013 verskerp.

Cosatu se wenslys is grootliks geïgnoreer toe ANC-afgevaardigdes Trevor Manuel, beplanningsminister, se nasionale ontwikkelingsplan (NOP), ’n sakevriendelike beleidsraamwerk, aan­vaar het. Arbeidsmakelaars gaan nie verbied word nie en maatskappye gaan wel aangespoor word om jeugdiges in diens te neem, waarteen Cosatu vasskop.

Pres. Jacob Zuma het die onderwysvakbond Sadtu in sy openingsrede gewaarsku hy wil skoolinspekteurs terugbring om te verseker onderwysers doen waarvoor hulle betaal word.

Voorts gaan die ANC-regering in die volgende vyf jaar ook nie afwyk van die huidige makro-ekonomiese beleid nie wat Cosatu meen hopeloos te konserwatief is om werkloosheid, ongelykheid en armoede te verlig.

Vavi het gister aan Rapport gesê Cosatu sal die ANC se beleidsbesluite binne die volgende paar weke ontleed om te bepaal wat dit inhou. “Ons sal daarna besluit wat ons gaan doen.”

Die ANC en die SAKP se dr. Blade Nzimande het onder Vavi ingeklim omdat hy die ANC in die media kritiseer.

Gwede Mantashe, herkose sekretaris-generaal van die ANC, het die eerste klappe uitgedeel toe hy in sy organisatoriese verslag aangevoer het Cosatu se kritiek op die regerende party is roekeloos.

Vavi het op Twitter gesê hy gaan nie sy mond hou nie.

Vier Cosatu-leiers is tot die ANC se nasionale uitvoerende komitee verkies, waaronder S’dumo Dlamini, Cosatu se president en ’n Zuma-bondgenoot.

Vavi het sy benoeming geweier.

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-18°C Sunny. Mild. Pta: 11-24°C Showers late. More sun than clouds. Mild.
Jhb: 7-19°C Showery. Afternoon clouds. Mild. Bfn: 2-22°C Sunny. Mild.
Dbn: 14-20°C Partly cloudy. Cool. PE: 9-18°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!