San-mans red vrou van brand

2012-09-22 23:13

Cgunta //Khao//khao die afgelope week in ’n Windhoekse hospitaal. Sy drie vriende het nie die ernstige brandwonde wat hulle opgedoen het, oorleef nie. Hulle word Donderdag begrawe. | Foto: Republikein/Marlize Rautenbach

Lesersfoto’s Stuur vir ons jou foto's  ·  Stuur vir ons jou foto's

Mense van Namibië tot Hollywood is aan die hart gegryp deur die verhaal van vyf San-mans wat letterlik deur die vuur gegaan het om ’n Australiese toeris teen ’n veldbrand te beskerm.

Dié vyf mans was saam met die toeris in die noordooste van Namibië in die veld toe hulle in ’n veldbrand vasgekeer is. Hulle het ’n kring om Jane Bean (56) gevorm om die vlamme en die hitte met hul lywe van haar weg te hou en só haar lewe te red.

Vier van die vyf mans het meer as 70% derdegraadse brandwonde opgedoen en drie van hulle is dae later in die staatshospitaal op Grootfontein dood.

Die vierde gaan nou danksy skenkings deur onder meer die akteurspaar Angelina Jolie en Brad Pitt spesiale behandeling in die Milpark-hospitaal in Johannesburg ontvang. Cgunta //Khao/khao (40) gaan binnekort van die Katolieke hospitaal in Windhoek oorgeplaas word na dieselfde hospitaal waar die driejarige brandslagoffer Pippie Kruger ook onlangs behandel is.

Die voorval het einde verlede maand by die Nhoma-safarikamp naby Tsumkwe plaasgevind.

Bean, van Melbourne in Australië, het uit Swakopmund waar sy aansterk vertel sy is vroeg die oggend van die voorval saam met die vyf San-mans veld toe om te sien hoe hulle jag en veldkos versamel.

Die kampeienaars, Arno Oosthuizen en sy vrou, Estelle, bedryf die gasteplaas saam met die Ju/’hoan San van die omgewing.

Bean vertel dit het voor haar aankoms op die plaas al in die omgewing begin brand. Oosthuizen het vroegoggend met ’n span mense gery om ’n veldbrand oos van die kamp te gaan blus. Hy het haar en die vyf mans op pad daarheen in die veld afgelaai. Die veldbrand was in daardie sta­dium ver van hulle af.

“Ek het later die oggend massiewe vlamme en ’n digte rookwolk noordoos van ons opgemerk. Die wind het gedraai en baie sterk in ons rigting gewaai.

“Ek het besef die vlamme stuur reg op ons af. Bertus (//Khao//khao, 32), die gids, het die ander vier mans nader geroep en hulle het die gras op twee plekke aan die brand gesteek in die hoop dat die voorbrand die vlamme sou stuit.”

Die volgende oomblik was die vlamme op hulle, sê Bean. “Dit was afgryslik. Ons het na ’n kaalgebrande kol gehardloop. Hulle het mekaar vasgegryp en ’n kring om my gevorm. Ons was seker so vier minute lank in dié oond vasgevang voordat die wind die vlamme verder gedryf het.”

Cgunta //Khao//khao, Bertus se broer, het die pyn wat hulle moes verduur uit sy hospitaalbed in Windhoek só beskryf: “Ons het op en af gespring en gehuil, gespring en gehuil. Later kon ons nie meer staan nie en ons het op die grond neergeval.”

Bertus was die enigste van die vyf wat nie tradisioneel geklee was nie. Hy en Bean het tweedegraadse brandwonde aan hul arms opgedoen. Cgunta, Fanie N!ani, N!anni Oxa en N//ammi /Ukxa was minder gelukkig.

“Onse velle het net sommer van ons lyf afgekom,” vertel Cgunta.

Oosthuizen het later in ’n beëdigde verklaring gesê hy het teruggejaag na waar hy die groep afgelaai het toe hy besef ’n ander veldbrand het naby hulle ontstaan en stuur reg op hulle af.

Intussen gee me. Marlice van Vuuren van die N/a’an ku sê Stigting, wat geld vir Cgunta se behandeling insamel, byna daagliks aan Jolie terugvoer oor hoe dit met hom gaan.

Jolie en Pitt het tydens hul verblyf destyds in Namibië betrokke geraak by die liefdadigheidswerk wat die stigting in die San-gemeenskap doen.

Die drie oorledenes word Donderdag op Nhoma begrawe.

* Rademeyer is ’n verslaggewer by Republikein.

Lees Rapport se kommentaarbeleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-25°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 2-21°C Sunny. Mild.
Dbn: 8-22°C Morning clouds. Cool. PE: 13-25°C Sunny. Pleasantly warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!