Schalk se suster trou met rocker
2012-01-21 23:13
Die Springbok-rugbyspeler Schalk Burger se familie het ’n musikant ryker geword toe sy suster op die familieplaas met ’n rocker getroud is.
René Burger en Marco Gomes, baskitaarspeler van die gewilde groep Prime Circle, is op 7 Januarie op Welbedacht buite Wellington in die eg verbind.
Sy het dadelik op Facebook haar van na Gomes verander.
Onder die gaste was onder andere die ander lede van Prime Circle: Ross Learmonth, Dale Schnettler, Dirk Bisschoff en Neil Breytenbach.
Die groep is bekend om treffers soos Hello, Let Me Go en Miracle.
René se troue volg net ’n bietjie meer as ’n maand op haar rugbyspeler-broer se huwelik.
Schalk Burger en Michele de Munck het op 3?Desember afgehaak, ook op die plaas.