‘Sekere vakke moet verbeter’
2012-12-29 23:17
- Artikelopsies
- Deel
- Kry Rapport op
Vanjaar se matrieks in openbare skole het oor die algemeen beter gevaar as die vorige jaar s’n, het prof. Sizwe Mabizela, voorsitter van die gehalteversekeringsraad Umalusi, Vrydag gesê toe dié raad die verloop van die matriekeksamen as vry, geldig en geloofwaardig verklaar het.
Maar Umalusi is steeds bekommerd oor lae vlakke van prestasie in sekere kernvakke.
“Ons moet spesifiek ons leerlinge se prestasie in wiskunde verbeter,” het Mabizela gesê.
Altesame 527 335 heeltydse en 120 352 deeltydse kandidate het die departement van basiese onderwys se nasionale senior sertifikaat-eksamen (NSC) geskryf.
Verlede jaar se nasionale slaagsyfer was 70,2%, vergeleke met 2010 se 67,8%.