Seun skryf roman op 13

2012-12-22 13:58

Xander Grobbelaar met sy boek. | Foto: Bongiwe Gumede

Lesersfoto’s Stuur vir ons jou foto's  ·  Stuur vir ons jou foto's

Hy hou nie van sonlig nie, hy dra nie ’n hemp as die knopies nie tot bo toe is nie en hy duld nie dat mense aan hom raak nie.

As Xander Grobbelaar van Richardsbaai nie verlede jaar uit sy skool geskors is nie, sou hy nooit op 13 sy eerste roman die lig laat sien het nie.

Hy het aspergersindroom, ’n matige vorm van outisme, wat dit onder meer vir hom moeilik maak om emosies uit te druk en te verstaan.

Die pad na sy eerste boek, Probability Factor, het begin toe hy ’n juffrou met ’n potlood gegooi het.

“Xander is baie presies en onthou alles,” sê sy ma, Cindy.

“Daar was ’n woord in sy toetsvraestel wat hy nie verstaan het nie. Die juffrou het vir hom gesê sy sou die woord ná die toets verduidelik. Sy het dit nie gedoen nie en Xander wou nie die vraestel vir haar gee nie. Hy het haar met ’n potlood gegooi. ’n Tugverhoor is gehou en hy is geskors.”

Cindy meen die skool sou anders opgetree en Xander baie trauma gespaar het as hulle meer kundig was oor aspergersindroom.

Nou wonder hulle of dit dalk ’n bedekte seën was.

Xander, lankal ’n boekwurm, het ’n week lank ná die voorval by die huis gesit en toe vra sy ma hom om oor sy gevoelens te skryf.

Die resultaat is ’n futuristiese roman van by die 300 bladsye met die wêreld ná aardverhitting as tema. Toe hy byna klaar was, het sy ma ontdek sy “terapie” het ’n boek geword.

Sy vat toe die manuskrip na ’n uitgewer, wat dit opgeraap het.

Xander sê die karakters in die storie is geskoei op mense wat hy ken – hy het net hul name en persoonlikhede ’n bietjie verander.

Probability Factor is ook nie sy laaste boek nie. “Ek is amper klaar met my tweede boek en het reeds vier hoofstukke van die derde een geskryf. My uitgewer het vir my wenke gegee oor hoe om my eie karakters te ontwikkel.

“Dit is glad nie so moeilik nie. Ek het baie van my idees uit ander boeke gekry en het op dié manier geleer.”

Xander begin volgende jaar by ’n spesiale skool in Johannesburg vir kinders hoogs begaafd in wiskunde en wetenskap. Hy hoop om vriende by dié skool te maak wat hom beter verstaan.

Pieter van Vuuren van Africanpublishers.com, Xander se uitgewer, sê dié jong skrywer het die pad in letterkunde vir ander met aspergersindroom oopgekerf.

“Mense met dié sindroom word nie gesien as kreatiewe mense nie.

“Ek dink dit is onwaar. Hulle is kreatief, maar nie soos ander mense nie.”

Van Vuuren sê dit het ongeveer ’n jaar geneem om Xander se storie in ’n boek te omskep.

Omdat mense met aspergersindroom anders reageer op emosie, moes hy oefeninge ontwikkel om Xander se skryfstyl te verbeter.

“Dit was vir hom moeilik om karakters met emosie te ontwikkel. Die storie is baie eerlik en vol gevoel. Dit was vir my ’n groot eer om saam met hom te werk.”

Lees Rapport se kommentaarbeleid

Lewer kommentaar op hierdie artikel
25 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-16°C Showers early. More sun than clouds. Cool. Pta: 8-20°C Sunny. Mild.
Jhb: 5-13°C Mostly sunny. Refreshingly cool. Bfn: 0-13°C Sunny. Refreshingly cool.
Dbn: 12-21°C More sun than clouds. Refreshingly cool. PE: 12-17°C More sun than clouds. Cool.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!