Skok oor krok (x 15 000!)

2013-01-27 00:01

Dit is een van die krokodille wat Vrydag op die Rakwena-wildplaas gevang is. Foto: Nicolene Olckers

Lesersfoto’s Stuur vir ons jou foto's  ·  Stuur vir ons jou foto's

’n Krokodilboer van die Rakwena-wildplaas in Pontdrif in Limpopo kners op sy tande wanneer hy vertel van sy slaaplose nagte nadat sowat 15 000 van sy krokodille onlangs weens ’n fratsvloed in die Limpopo­rivier afgespoel het.

Johan Boshoff sê daar is boonop nie genoeg kundige hande om die reptiele te vang nie.

Volgens Boshoff is dit die eerste keer in die 18 jaar wat hy hier boer dat so iets gebeur. Hy is veral bekommerd oor die talle vlugtelinge van Botswana en Zimbabwe wat daagliks die rivier na Suid-Afrika oorsteek, asook die veiligheid van inwoners aan die rivieroewer.

“Ek vrees dat die krokodille mense gaan vang.

“’n Krokodil is ’n krokodil en as hy honger is, gaan hy mense byt.”

Boshoff kon nie bevestig presies hoeveel krokodille reeds teruggevind is nie, maar reken “duisende van hulle is nog in die Limpoporivier en omliggende gebiede”.

Die grootste krokodil op die Rakwena-plaas is ’n bielie van sowat 5 m.

Volgens ’n polisielid van Musina is die menigte vermiste krokodille ’n groot bron van kommer, veral omdat daar nie genoeg mense is wat weet hóé om die reptiele te vang nie.

Tydens Rapport se besoek het van die werkers drie krokodille gevang.

Nege mans moes een krokodil na sy hok dra.

’n Plaaswerker sê dit is moeilik om ’n krokodil te vang.

“?’n Krokodil is baie sterk. Ons moet hom met ’n skokstok verlam, anders sal ons hom nooit kan vang nie.

“Daar is nie ’n ander manier nie. As jy op ’n krokodil spring en hom so probeer vang, gaan hy aan jou hap en verskeur.

“Wanneer hy stil is nadat ons hom geskok het, bind ons sy bek met tou of kleefband vas.

“Daarna bind ons sy pote vas sodat hy nie rondbeweeg nie.”

Boshoff sê die krokodille wat weggespoel het, kos miljoene rande.

Lt. Peter Madua, polisiewoordvoerder van Musina, sê die polisie is veral bekommerd dat van die krokodille vlugtelinge van Zimbabwe en Botswana sal verskeur.

“Ons hou die situasie fyn dop. Daar was gelukkig nog geen voorvalle waar die krokodille mense gebyt het nie.

“Die eienaars van die plaas werk elke dag om krokodille te vang.”

Adele du Toit en Dale Hes berig uit Nelspruit ’n motoris van hiér het hom asvaal geskrik toe hy op ’n krokodil van 2,5 m lank afgekom het.

Rudi Cronjé, ’n goudsmid, was op pad terug Nelspruit toe ná ’n besoek aan sy ouers in Barberton toe hy die oggend ’n erg beseerde reptiel in die pad gesien het.

Die krokodil het ’n sny aan sy regterkant gehad.

Cronjé vermoed die dier is enkele oomblikke voordat hy op hom afgekom het deur ’n ander motor getref.

“Die krokodil het probeer om van die pad af te kom, maar ek kon sien hy is in pyn,” het Cronjé gesê.

Die Barberton-Nelspruit-pad is bekend vir krokodille.

Die afgelope twee jaar was daar meer as 30 waarnemings van die reptiele in die gebied en selfs ’n geval waar ’n krokodil dood is nadat hy deur ’n vragmotor raak gery is.

Lees Rapport se kommentaarbeleid

Lewer kommentaar op hierdie artikel
27 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-18°C Sunny. Mild. Pta: 12-27°C Sunny. Pleasantly warm.
Jhb: 9-22°C Sunny. Mild. Bfn: 12-26°C Morning clouds. Pleasantly warm.
Dbn: 15-28°C High level clouds. Warm. PE: 17-26°C Rain late. Afternoon clouds. Warm.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!