Skok-prente oor rook kan op sigaretboksies verskyn

2009-09-05 14:34

Lesersfoto’s Stuur vir ons jou foto's  ·  Stuur vir ons jou foto's

Jou dampie kan jou nou nóg duurder te staan kom.

Rokers word in die openbaar én by die huis strenger vasgevat deur rookwetgewing wat onlangs deur die pres. Jacob Zuma onderteken is.

Voor die einde van die jaar kan regulasies ook goedgekeur word wat ontstellende grafiese waarskuwings op sigaretpakkies verpligtend maak.

Die regulasies word nog deur die departement van gesondheid gefinaliseer om te verseker Suid-Afrikaners verstaan die waarskuwings, wat reeds met groot sukses in ander lande gebruik word.

Dr. Yusuf Salooyee, uitvoerende direkteur van die Nasionale Raad teen Rook, sê wetgewing sal sodoende nie net kinders en nie-
rokers beskerm nie, dit sal rokers ook help om beter keuses uit te oefen.

Volgens hom slaag die tabakbedryf al jare daarin om rokers ’n rat voor die oë te draai met terme soos “matig” en “lae teerinhoud”. Ingevolge die voorgestelde nuwe regulasies sal sulke misleidende terme nie meer toegelaat word nie.

Salooyee sê met die nuwe wetgewing sal kinders beskerm word en dit is een van die grootste voordele daarvan. “Veral omdat sekondêre rook so skadelik is vir kleiner kinders.”

Dit is sedert einde verlede maand onwettig om ’n dampie te maak met ’n kind jonger as 12 in jou motor. Kinders jonger as 18 word nie toegelaat in rookplekke in restaurante nie. Rook is verbode in ’n huis waar kinders onderrig word – as dit byvoorbeeld as ’n créche gebruik word of naskoolse klasse daar aangebied word.

Volgens Saloyee het die tabakbedryf ook aangehou om produkte onder veral jong mense te bemark, ondanks vorige wetgewing wat dit beperk het. Hy noem byvoorbeeld glansryke partytjies waar sigarette gratis uitgedeel word. Die nuwe wetgewing maak dít onwettig.

Salooyee meen nie-rokers sal veg om hul reg op skoon lug en daarom hoef die toepassing van die wetgewing nie net aan die polisie oorgelaat te word nie.

In ’n onlangse opname van die maatskappy Nicorette is bevind 40% van rokers oorweeg dit om op te hou weens wetgewing oor rook in openbare plekke en die verbod op rookadvertensies.

) Nie almal is egter ewe opgewonde oor die nuwe rookwetgewing nie.

Mnr. Mike Waters, die Demokratiese Al-
liansie se woordvoerder oor gesondheid, meen hoewel die nuwe wetgewing goed is, is daar ander gesondheidskwessies wat dringender aandag benodig. “Die gehalte van die openbare gesondheidsektor en die tekort aan dokters en verpleegsters behoort boaan die regering se agenda te wees.”

In ’n debat hieroor op die webwerf van EastCoast Radio in Durban het talle mense ook gesê die regering kan eerder sy energie bestee om sake soos misdaad, armoede en werkloosheid te bekamp. “Ons behoort baie meer beskerming te kry teen misdadigers as teen rokers. Los die rokers uit,” skryf iemand.



Wat sê die nuwe rookwet nog?

) Niemand mag eet- of speelgoed verkoop wat soos sigarette lyk nie.

) Handelaars mag nie verkoop-outomate hê waar sigarette saam met ander goed gekoop word nie en hulle moet toesien dat kinders onder 18 nie die outomate gebruik nie.

) Rook buite geboue word beperk waar groot groepe mense bymekaar kan kom.

) Werkgewers moet verseker dat hul werkers rookvry deur die dag kan gaan.

) Tabakmaatskappye mag nie meer elektroniese media of die poskantoor inspan om hul produkte te bemark nie.

) Sigarette mag nie goedkoper verkoop of gratis verskaf word nie.



Só lyk die boetes:

) R500 as jy rook in enige rookvrye gebied.

) R50 000 vir restaurant-eienaars wat rook in die rookvrye deel toelaat.

) R100 000 vir werkgewers wat nie hul werkers teen rook beskerm nie.

) Tot R1 miljoen vir tabakmaatskappye wat advertensiewetgewing oortree.


Lees Rapport se kommentaarbeleid

Lewer kommentaar op hierdie artikel
8 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-24°C High level clouds. Mild. Pta: 11-27°C Sunny. Pleasantly warm.
Jhb: 10-22°C Sunny. Mild. Bfn: 9-28°C Sunny. Pleasantly warm.
Dbn: 14-26°C More sun than clouds. Mild. PE: 12-23°C Sunny. Mild.
7-dag-voorspelling...

Betrekkinge - Vind jou droomwerk

Internal sales IMMEDIATELY AVAILABLE

Johannesburg
New East Consulting Services (Pty) Ltd
R5 500 - R28 000 Per Month

Beauty Sales Consultant

Sunnyside
New East Consulting Services (Pty) Ltd
R5 500 - R28 000 Per Month

Internal sales

Sandton
New East Consulting Services (Pty) Ltd
R10 000 - R28 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!