Skuif opsy, ’n meester is aan die kom

2012-09-22 23:13

Kenny Solomon (32), oorspronklik van Mitchells Plain, is op pad om Suid-Afrika se heel eerste en tans enigste grootmeester in skaak te word.

Lesersfoto’s Stuur vir ons jou foto's  ·  Stuur vir ons jou foto's

In die agterplaas van hul huis op die Kaapse Vlakte se Mitchells Plain, tussen wapperende klere aan wasgoedlyne, het Suid-Afrika se eerste grootmeester in skaak sy eerste skuiwe geleer maak. Hier het hy talle boeke oor die spel se geskiedenis, skaakmeesters en hul grootste wedstryde verslind.

Kenny Solomon (32), een van agt kinders, was kwalik 13 jaar oud toe hy die skaakhandleiding van sy broer Maxwell beetkry om die kuns van skaak speel te probeer aanleer.

Maxwell was al goed bedrewe; skaak speel was immers sý kopskuif om die invloed van die bendebedrywighede in dié gebied te systap.

Hy was Kenny se eerste leermeester en op 15-jarige ouderdom was dié tiener al die nasionale kampioen in die o.16-afdeling. Nasionale kampioene soos Mark Levitt, David Gluckman en Mark Rubery was die jong Kenny se helde.

Nou, ná die pas afgelope internasionale skaakolimpiade in Istanboel, Turkye, is Kenny Solomon op pad om Suid-Afrika se eerste en enigste grootmeester in skaak te word en in die voetspore te volg van die skaaklegendes Garri Kasparof en wyle Bobby Fischer.

Solomon het net een van sy tien wedstryde in die olimpiade verloor, met drie grootmeesters afgereken en dié meester het gelykop teen drie ander grootmeesters geëindig.

Nou kort hy nog 50 ranglyspunte om 2 500 rangpunte te bereik en dan is hy self ’n grootmeester – die hoogste rang (naas wêreldkampioen) in skaak.

Aan sy sy staan sy Italiaanse vrou, Veronika, op sigself ’n internasionale skaakmeester, en hul babadogter, Eleanora.

Hulle woon tans in Italië waar hy naby al die groot toernooie is.

Solomon rig van 2000 af ander spelers af en danksy ’n borgskap van die South African Bunkering & Trading (SABT) kon hy in 2009 internasionaal begin meeding en sy grootmeesterdroom najaag.

Skaakwedstryde is ’n emosionele drukpot, sê Solomon, maar hy gebruik die sielkunde onderliggend aan die skaakspel om sy teenstanders se styl, sterk punte en swakhede te ontleed.

Vir stamina en konsentrasie teen die emosionele en sielkundige druk van wedstryde (wat tot ses uur kan duur) swem en draf hy.

“Voor enige deurbraak kom opoffering” en “Sukses is die enigste opsie”, is sy persoonlike leuses.

Marius van Zyl, visepresident van Skaak Suid-Afrika, bestempel Solomon as ’n baie nederige speler en sê hy is die land se eerste ware skaakheld.

So word jy ’n grootmeester:

* Wenuitslag teen drie grootmeesters in toernooie van die Internasionale Skaakfederasie (Fide);

* Behaal ’n minimum rangplek van 2500 in die federasie-rangstelsel;

* Alle papierwerk moet deur federasie afgehandel wees;

* Ontvang die toekenning amptelik van die federasie.

Grootmeesters in:

* Wêreld: 1 367 (1 340 mans; 27 vroue) in Julie 2012;

* Rusland: 214;

* Suider-Afrika: 2. (Amon Simutowe van Zambië en Solomon van Suid-Afrika)

* Afrika: 8 Egipte, Marokko, Tunisië, Zambië, Suid-Afrika.

Só maak grootmeesters geld:

* Wêreldtitels te wen (2012-wenner het R12 miljoen verdien);

* top-toernooie te wen (sowat R1 miljoen);

* goeie borgskappe;

* gasoptredes;

* vertoonwedstryde;

* afrigting;

* boeke skryf.

binne rapport

Weer
Ksd: 14-18°C Sunny. Mild. Pta: 4-22°C Sunny. Mild.
Jhb: 6-17°C Sunny. Mild. Bfn: 4-22°C Sunny. Mild.
Dbn: 14-25°C Morning clouds. Mild. PE: 14-24°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!