Slaappil laat hom ontwaak

2012-08-12 00:11

Sienie Viljoen by haar seun, Louis.

Lesersfoto’s Stuur vir ons jou foto's  ·  Stuur vir ons jou foto's

Sienie Viljoen het drie jaar lank elke nag langs haar seun se bed gesit en sy lewelose hand vasgehou terwyl sy ywerig kyk vir enige teken van ­lewe in sy gebroke liggaam.

Louis is in Springs aan die Oos-Rand deur ’n motor getref toe hy die straat oorgesteek het en dokters het gesê hy sal nooit sy bewussyn herwin nie.

Maar hy het.

Nou het die storie oor hoe sy ma hom 13 jaar gelede per ongeluk help ontwaak het, gelei tot ’n nuwe behandeling vir pasiënte met erge breinbeserings, ’n behandeling wat hoop vir mense oor die wêreld heen gee.

Elke aand het Sienie haar bewustelose seun besoek, hom kos gegee en vir ’n wonderwerk gebid. Dit sou ’n onwaarskynlike wonderwerk gewees het, want die mediese wetenskap het lank die oortuiging gehuldig dat pasiënte wat jare ná hul breinbeserings nog in ’n bewustelose toestand is nooit sal ontwaak nie.

Een aand in 1999 het Louis rusteloos geraak en het sy ma dr. Wally Nel, haar algemene praktisyn, gebel om te vra of sy vir Louis een van haar slaappille kan gee. Sy het Stilnox by haar gehad en Nel het haar aangeraai om een fyn te maal en vir haar seun te gee.

’n Kwartier later het die kleur na Louis se wange teruggekeer. Sy oë het begin fokus en vir die eerste keer in vier jaar het sy ma sy stem gehoor wat sê: “Hallo, Mammie.”

Talle ander het sedertdien soortgelyke ervarings gehad.

Verlede jaar het die 26-jarige Chris Cox van Amerika, wat volgens dokters onomkeerbare breinskade gehad het, bygekom toe hy dieselfde slaappil (in die VSA staan dit bekend as Ambien) as Louis gegee is.
In Desember het die 23-jarige Australiër Sam Goddard, wat vroeër agt opeenvolgende beroertes gekry het, ook uit ’n koma ontwaak en begin praat.

Louis het in 1999 ná sowat ’n uur en ’n half weer in ’n koma verval. Die volgende dag het sy ma hom dieselfde pil ingegee en hy het weer ontwaak.

Nel het hulle besoek en was verstom. Hy het dadelik ’n klomp neuroloë in kennis gestel. “Uiteindelik het selfs die skeptiese neuroloë die pil se uitwerking gesien. Daar was geen mediese verklaring daarvoor nie.”

Kort daarna het prof. Ralf Claus van Medunsa van die geval te hore gekom. Hy het toe pas ’n nuwe breinskandeerder bekom waarmee hy die werking van breinselle kon bestudeer. Hy en Nel het toe Louis se brein bestudeer voor en nadat hy Stilnox gebruik het.

Dit het geblyk groot dele van Louis se brein was onaktief totdat hy die pil inkry. Wanneer die medisyne begin werk, het talle “dooie” selle weer begin funksioneer – totdat die medisyne uitgewerk was.

Die volgende 12 jaar het Nel en Claus uit hul studies afgelei dit het iets met neuro-geleiers in die brein te make.

Stilnox kalmeer gesonde mense se brein en help hulle slaap, maar het die teenoorgestelde uitwerking in mense met breinbeserings.

“Voorheen het ons geglo selle in dié dele van die brein wat in ’n besering beskadig is, gaan vir altyd dood. Maar ons navorsing toon dit is nie die geval nie. Ja, baie breinselle sterf, maar sommige slaap net en kan wakker word,” sê Claus.

Claus en Nel het intussen honderde pasiënte wêreldwyd gehelp. Claus het Brittanje toe getrek, maar Nel is steeds ’n algemene praktisyn in Springs.

Hulle het bevind Stilnox help ook mense met ander breinbeserings, soos ná beroertes.

Louis is steeds in sy bed gekluister, maar ’n halwe pil twee keer per dag hou hom deurgaans wakker. Sy toestand verbeter steeds. Pleks om net sy hand vas te hou, kan sy ma nou vir sy grappies lag en by hom ’n drukkie kry.

Lees Rapport se kommentaarbeleid

Lewer kommentaar op hierdie artikel
25 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-19°C Sunny. Mild. Pta: 1-19°C Sunny. Mild.
Jhb: 0-14°C Sunny. Refreshingly cool. Bfn: -1-15°C Sunny. Refreshingly cool.
Dbn: 14-19°C Mostly sunny. Cool. PE: 10-16°C More sun than clouds. Cool.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!