Steroïede: Skole in visier

2013-01-20 00:02

Lesersfoto’s Stuur vir ons jou foto's  ·  Stuur vir ons jou foto's

Jong rugbyspelers aan van die land se voorste sportskole gaan vir onwettige steroïede en ander verbode middels getoets word.

Dit nadat byna ’n derde van 62 leerlinge wat die afgelope ses maande in onafhanklike toetse ondersoek is, positief getoets het vir middels wat so gevaarlik is dat dit tot die dood kan lei.

In ’n ondersoek het Rapport bevind anaboliese steroïede, ’n skedule 5-middel wat onregmatige verspreiders én gebruikers in die tronk kan laat beland, is so maklik verkrygbaar dat veral jong rugbyspelers dit op die internet bestel en by hul skole laat aflewer.

Ouers, leerlinge en selfs die owerhede is in baie gevalle onbewus van die wetlike implikasies en gesondheidsgevare.

In ’n landwye aanslag op middelmisbruik in skole het die Suid-Afrikaanse Instituut vir Dwelmvrye Sport (Saids) aangekondig meer as 100 skole, waaronder van die land se voorste sportskole, het al aangedui hulle sal aan die toetsing van leerlinge deelneem.

Skole wat genader gaan word, sluit in die Paul Roos Gimnasium in Stellenbosch, Grey-Kollege in Bloemfontein en die Afrikaanse Hoër Seunskool (Affies) in Pretoria. Deon Gerber, rugbyhoof van Paarl Gimnasium, sê hoewel sy skool nog nooit probleme met steroïede gehad het nie, staan hulle bankvas agter Saids se plan.

Die skool gaan sy hele o.19A-groep stuur om vir verbode middels getoets te word.

Die Hoër Jongenskool Paarl het ook bevestig hy is reeds deur Saids genader.

Dit sal die eerste gekoördineerde aanslag op middelmisbruik in skole wees, waar kenners lankal vrees dié praktyk is ’n donker geheim.

Riaan de Vries, ’n onafhank­like toetser vir verbode middels in Gauteng, sê 18 van die 62 leerlinge wat hy die afgelope ses maande getoets het, het positief getoets vir anaboliese steroïede.

“Een skool in Durban het snuf in die neus gekry toe daar al hoe meer koerierpakkies vir leerlinge by die skool aangekom het. Hulle het my toe genader om toetse op daardie leerlinge te doen.”

Dr. Jon Patricios, ’n Johannesburgse sportgeneeskundige, sê ’n 20-jarige pasiënt van hom het onlangs gesterf toe hy weens middelmisbruik ophou asemhaal het.

Patricios sien gereeld ernstige mediese probleme, soos die verlies aan erektiele funksie en die vergroting van die hartspier weens steroïedemisbruik.

Hy sê hy het die afgelope vyf jaar ’n merkbare verandering in die liggaamsbou van baie van sy jong pasiënte opgemerk en toe besluit om skole te nader oor sy vermoede dat steroïedemisbruik algemeen geword het.

“Steroïede kan ook kanker, nierversaking, lewerskade en diabetes meebring en selfs beserings veroorsaak waar spiere van die been afskeur,” waarsku dr. Louis Holtzhausen, ’n sportgeneeskundige verbonde aan die Universiteit van die Vrystaat.

“Een van die kinders wat ek getoets het, het nou nierversaking,” sê De Vries.

“Baie van die outjies wat gevang word, speel in die tweede of derde span en glo hulle sal die eerste span haal as hulle ’n paar kilogram se spiere optel.”

Volgens hom wil ander bloot “goed lyk op die strand”.

De Vries sê hy het al die Valke genader met bewyse dat steroïede onwettig verkoop word, maar hulle het glo nie geweet dit is onwettig nie.

Kragtens die Wet op Medisyne en Verwante Stowwe mag niemand medisyne of ’n gelyste stof verkoop, in sy of haar besit hê of vervaardig nie, tensy hulle by die voorgeskrewe voorwaardes hou, sê Herklaas Venter, ’n prokureur wat gereeld in verwante sake optree.

“Dit sluit beslis anaboliese steroïede in.”

De Vries het ’n pryslys van ’n plaaslike steroïedesmous aan Rapport gewys waarop voornemende kopers kan kies en keur uit meer as 40 anaboliese middels en bykomstighede, soos spuitnaalde, kan aanskaf.

Die koste wissel van R125 tot R1 600 vir steroïede wat met spuitnaalde toegedien word.

Kapt. Paul Ramaloko, die Valke se nasionale woordvoerder, sê hulle is bewus van die probleem, maar hy kon nie bevestig of die owerhede al enige deurbrake gemaak het om onwettige verskaffers vas te vat nie.

Lees Rapport se kommentaarbeleid

Lewer kommentaar op hierdie artikel
26 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-19°C Sunny. Mild. Pta: 2-19°C Sunny. Mild.
Jhb: 1-9°C Sunny. Cool. Bfn: -2-15°C Sunny. Refreshingly cool.
Dbn: 14-19°C Mostly sunny. Cool. PE: 7-17°C More sun than clouds. Cool.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!