Superdrama!

2012-07-30 06:40

Louis Ludik van die Sharks druk met die Stormers se Joe Pietersen wat te laat is om hom van die doellyn weg te hou. Foto: Nasief Manie

Lesersfoto’s Stuur vir ons jou foto's  ·  Stuur vir ons jou foto's

Die tafel was gedek en die Kaap het hom so heimlik begin voorberei vir die Superrugby-eindstryd – sweerlik sou die klipharde verdediging van die Stormers die Sharks op ’n afstand kon hou, veral nadat laasgenoemde verlede week heen en weer oor die Indiese Oseaan moes reis vir gister se afspraak.

Maar aikôna: Die Durbaniete is ’n beter span en die ongenaakbaarheid waarmee hulle die Kapenaars se ­naïwiteit gisteraand hier aan die kaak gestel het, beteken niemand kan vanoggend hiermee verskil nie.

Dis gepas dat die Sharks Suid-Afrika Saterdag in die eindstryd sal verteenwoordig. Hoewel hulle ’n wipplank-seisoen belewe het tot dusver, onderstreep gister se oorwinning met 26-19 dat hulle tans die land se voorste rugbyspan is. Al sê wie ook wat in Pretoria of die Kaap.

Gister het die Stormers gespeel soos die span met alles om te verloor en hul flater-telling was veel hoër as dié van die Sharks.
Laasgenoemde had dalk die vryheid van laer verwagtinge, maar hulle het gespeel soos kampioene. Vlugflouheid ter waarde van 16 uur in sewe dae? G’n probleem nie!

Dit het vir ’n wyle gelyk of die ure in die vliegtuig sy tol sou eis toe die Stormers, met 9-23 agter ’n kwartier voor die eindfluitjie, skielik lewe gekry het. Maar dit was nie genoeg nie.

In die doodsnikke, toe ’n gedoelde drie ekstra tyd sou bewerkstellig, het die tuisspan een aanval ná die ander op die Sharks-doellyn geloods.

Maar dis die probleem as jy jou ’n seisoen lank so half afvee aan die idee van drie-bonuspunte – as jy skielik ’n drie nodig het om in die toernooi te oorleef, is dit nie sommer ’n knoppie wat jy kan aanskakel nie.

Wat jy ook al van die Stormers se mislukking sê, durf dit nie afbreuk doen aan die Sharks se prestasie nie. Dis ’n puik gebalanseerde span en nie om dowe neute feitlik die helfte van die Bokke nie. En dis ook die eerste span in Superrugby-geskiedenis wat twee agtereenvolgende wegwedstryde in die uitklopfase van die toernooi wen.

Klop hulle Saterdag die Chiefs, wat geweldig bevoordeel word deur dié uitslag en reeds eergister kon begin voorberei, maak hulle geskiedenis wat nie sommer herhaal sal word nie. Kan hulle?

’n Mens moet sê die Sharks is nie die gunstelinge nie. Maar dié was hulle ook nie gister of sewe dae te­vore nie.

Lees Rapport se kommentaar beleid

Lewer kommentaar op hierdie artikel
4 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 18-25°C High level clouds. Mild. Pta: 9-26°C Sunny. Pleasantly warm.
Jhb: 9-21°C Mostly sunny. Mild. Bfn: 10-25°C Sunny. Pleasantly warm.
Dbn: 19-26°C Early fog followed by sunny skies. Mild. PE: 15-23°C More sun than clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!