Sy wil politiek toe ‘om land te red’

2013-01-27 00:02

Dr. Mamphela Ramphele. Foto: Beeld

Lesersfoto’s Stuur vir ons jou foto's  ·  Stuur vir ons jou foto's

Dr. Mamphela Ramphele, strydros uit die struggle, wil die politieke arena betree en sal na verwagting binnekort ’n aankondiging doen.

Ramphele is vroeër vandeesmaand na Amerika waar sy aan minstens een gehoor gesê het sy samel geld in vir ’n “politieke party”.

Sy het ook ambassadeurs om ondersteuning bearbei.

Tony Leon, voormalige DA-leier, het aan City Press, Rapport se susterskoerant, gesê twee mense wat haar vergaderings in Amerika bygewoon het, het dit afsonderlik aan hom vertel.

“Een van die vergaderings was in Boston, waar sy by die tuiste van die Suid-Afrikaans gebore (afgetrede) hoofregter (van die hooggeregshof in Massachusetts) Margaret Marshall gepraat het.”

Minstens twee bronne verwag dat ’n aankondiging binnekort gaan volg. Helen Zille, DA-leier, het verlede jaar probeer om Ramphele sover te kry om by die DA aan te sluit, maar Ramphele het gekies om haar eerder toe te spits op die Citizens’ Movement, ’n nie-regeringsorganisasie wat sy gestig het om maatskaplike verandering te versnel.

Ramphele, ’n hegte vriendin van Zille, het voorheen gehelp om DA-beleidsrigtings te skryf.

’n Bron het gesê Ramphele meen sterker optrede is nodig ná pres. Jacob Zuma se herkiesing as ANC-leier.

’n Ambassadeur met wie Ramphele onlangs vergader het, het gesê sy het “angstig gelyk om meer te doen”.

Ramphele het aan die Amerikaanse gehore gesê “sy gaan nou die politiek betree om haar land te red”.

’n Cope-LP het gesê hulle hoop dat Ramphele en burgerlike organisasies in aanloop tot 2014 se algemene verkiesing saam met opposisiepartye sal werk om die ANC te klop.

Prof. Wilmot James, die DA se federale voorsitter, het egter gesê die DA gaan nie saam met partye wat buite die parlement is, werk nie.

James het gesê daar is geen formele gesprekke tussen die DA en Ramphele nie, maar “indien sy die politieke wêreld wil betree, sal dit ’n welkome ontwikkeling wees”.

Zille het navrae na Ramphele verwys. Ramphele het egter gesê sy is by ’n begrafnis.

– Bykomende beriggewing deur Mandy Rossouw

Lees Rapport se kommentaarbeleid

Lewer kommentaar op hierdie artikel
46 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-22°C Morning clouds. Mild. Pta: 11-26°C Morning clouds. Pleasantly warm.
Jhb: 8-21°C Showers early. Morning clouds. Mild. Bfn: 3-24°C Sunny. Mild.
Dbn: 11-23°C Morning clouds. Mild. PE: 8-20°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!