Toe’s dit tjips vir visplek

2012-08-26 21:34

Die donkerblou BMW 1-reeks word deur ’n sleepvoertuig uit die verwoeste viswinkel getrek.| Foto: Janine Thiart

Lesersfoto’s Stuur vir ons jou foto's  ·  Stuur vir ons jou foto's

Dit is steeds onduidelik wie agter die stuur was van die voormalige Springbok-heelagter Earl Rose se BMW toe dit in Gordonsbaai in die Wes-Kaap aan die verkeerde kant van die pad en oor ’n stopstraat gery het voor dit ’n vis-en-skyfie-winkel binnegejaag het.

Rose, sy vrou, Amor, en ’n onbekende passasier het al drie aan die bestuurderskant van die voertuig uitgeklim ná die ongeluk om 03:10 verlede Sondag.

Kringtelevisie-beelde wys hoe Rose se BMW 1-model in die vroeë oggendure met ’n stink spoed op die hoek van Sir Low­ry’s Pass-weg en Faure Marine-laan oor die stopteken en in die winkel injaag. Die Ooskus Vissery-gebou se struktuur het weens die slag in duie gestort.

Earl en Amor, asook ’n onbekende insittende het vyf minute vroeër van ’n nagklub in die nywerheidsgebied weggejaag ná ’n rusie met ’n rugbyspeler van die St. Georges-rugbyklub. ’n Veiligheidswag moes na bewering pepersproei gebruik om die partye in bedwang te bring.

Ao. November Filander, polisiewoordvoerder, sê Rose het ná die botsing buite die voertuig gestaan toe die polisie daar opdaag.

“Dit is toe dat hy aangedui het die vroulike bestuurder het die toneel ná die ongeluk verlaat.”

’n Saak van roekelose en nalatige bestuur word tans ondersoek. Geen alkohol-toetse is op die insittendes gedoen nie.

Gerrit Oosthuizen, van ’n sekuriteitsfirma in Gordonsbaai, was minute ná die ongeluk op die toneel en sê Amor het by hom hulp gesoek. “Rose het in uiters kru taal op haar geskreeu, waarop sy teruggeskreeu het: ‘Ek weet, ek weet!’”.

Sy het weggeloop en nie weer teruggekeer nie.

Die egpaar, wat in Desember getroud is, het die volgende dag verklarings by die polisie afgelê.

Volgens Raymond Goldberg, Ooskus-vissery se eienaar, beloop die skade sowat R200 000.

Earl Rose het eergister aan Rapport gesê hy spreek Sondag (vandag) ’n prokureur “voor die media my woorde verdraai”.

“Ek het geslaap toe die koerant bel en toe ek (Maandag) wakker word, sien ek die storie in die koerant.

“Nou sê hulle dat ék (die motor) gery het. Mense soek gereeld skoor.”

Volgens sy ma, Maurine, was haar seun “bloot in ’n doodgewone ongeluk en nou, oor dit Earl is, praat die mense weer”.

Haar man, Enver, sê hy sal slegs met die media gesels as hy vir hulle “uit die Bybel kan voorlees”.

Rose was in 2002 die skolerugbyspeler van die jaar en het onder meer vir die rugbyspanne van die Westelike Provinsie, die Stormers en Cats in die Super Rugby-reeks, asook die Goue Leeus en die Griekwas uitgedraf. Hy kon nie vanjaar ’n kontrak by die Southern Kings sluit nie.

Lees Rapport se kommentaar beleid

Lewer kommentaar op hierdie artikel
2 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 18-24°C High level clouds. Mild. Pta: 12-26°C Mostly sunny. Pleasantly warm.
Jhb: 11-20°C Mostly sunny. Mild. Bfn: 11-24°C Sunny. Mild.
Dbn: 19-28°C Afternoon clouds. Warm. PE: 17-21°C Increasing cloudiness. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!