‘Toetse kan húlle uit tronk bevry’

2012-12-22 23:58

Om jou ma te help sterf en onskuldige mense uit die tronk te help kry, is allermins een en dieselfde ding, maar albei spreek tot prof. Sean Davison se begeerte om lyding te beëindig.

Daarom is dié Kaapse professor se nuwe “roeping” om DNS-toetse te gebruik om die onskuld te bewys van mense wat verkeerdelik skuldig bevind is aan misdade en om dié rede agter die tralies sit.

Davison, wat die hoof is van die forensiese laboratorium van die departement van biotegnologie aan die Universiteit van Wes-Kaapland, en dr. Andra le Roux-Kemp, verbonde aan die sentrum vir mediese etiek en die reg aan die Universiteit van Stellenbosch, het nouInnocence Project South Africaop die been gebring om sulke mense te help.

Volgens Davison was dit blote toeval dat hy twee jaar gelede vir Le Roux-Kemp ontmoet het toe hy ’n lesing aangebied het oor die gebruik van DNS-toetse om misdade op te los wat dekades gelede gepleeg is.

Hulle het aan die gesels geraak oor mense wie se onskuld bewys is met DNS-toetse en oor die behoefte aan ’n nie-regeringsorganisasie wat mense kan help om hierdie tegnologie te gebruik om hul onskuld te bewys.

Davison is in November verlede jaar skuldig bevind dat hy sy ma, wat baie siek was weens kanker, in 2006 bygestaan het om te sterf.

“Wat ek gedoen het, was verkeerd wat die wet aanbetref,” sê Davison.

“Emosioneel het ek gevoel ’n skreiende onreg word teenoor my gepleeg. Ek vereenselwig dit met die kwesbaarheid wat iemand beleef wat verkeerdelik skuldig bevind word aan ’n misdaad.”

’n Uitvoerbaarheidstudie van ses maande is intussen gedoen en volgens Davison het dit getoon dat daar “ongetwyfeld” ’n behoefte is aan so ’n organisasie, gegewe die gebreke van die strafregstelsel en wetstoepassing.

“Onregmatige skuldigbevindings is nie denkbeeldige stories nie. Dit gebeur met ongelooflik baie mense,” sê Davison.

In Amerika het die Innocence Project reeds 301 mense gehelp om hul onskuld te bewys. 17 van hulle het die doodstraf afgewag.



Prof. Sean Davison help nou om mense se onskuld met DNS toetse te bewys wat verkeerdelik skuldig bevind is aan ernstige misdade. Hy is verlede jaar skuldig bevind dat hy sy ma bygestaan het om te sterf.| Foto: Nasief Manie

Lees Rapport se kommentaar beleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-20°C Sunny. Mild. Pta: 11-22°C Sunny. Mild.
Jhb: 7-16°C Sunny. Refreshingly cool. Bfn: 7-16°C Sunny. Cool.
Dbn: 13-23°C Showers late. Morning clouds. Mild. PE: 11-20°C Heavy rain. Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Besoek www.kalahari.com vir miljoene boeke, musiek, DVD's, games & meer!