Twis in ANC oor Marikana-saak

2012-09-01 23:54

Verskille oor die nasionale vervolgingsgesag (NVG) se besluit om 269 Marikana-mynwerkers van moord aan te kla, lei nou tot moeilikheid binne die ANC.

Gister het Mathews Phosa, die ANC se tesourier-generaal, die eerste van die ANC se ses topamptenare geword wat die NVG se besluit openlik gekritiseer het.

Volgens Phosa kan dit tot “nog ’n Marikana” lei.

Pres. Jacob Zuma het geweier om die mynwerkers wat aangehou word die naweek vry te laat soos wat hul regspan vra.

Zuma het gesê hy wil nie met die NVG se werk inmeng nie.

Phosa se kritiek op die vervolging volg op soortgelyke kritiek deur Jeff Radebe, minister van justisie, en dr. Mathole Motshe­kga, hoofsweep van die ANC.

Die NVG se grootbase het gister agter geslote deure vergader en gerugte doen die ronde dat die moordaanklagte so gou as môre laat vaar kan word.

Die afgelope week is 269 mynwerkers op 34 moordklagte aangekla.

Phosa, wat gister by ’n oorhandiging van die ANC se eeufeesfakkel in Hartswater in die Noord-Kaap gepraat het, het gesê dié aanklagte is roekeloos.

“Om van die betrokkenes (die mynwerkers) aan te kla terwyl daar ’n kommissie van ondersoek is, rym nie met die sub judice-reël nie. Dit is roekeloos, onvanpas en byna absurd.”

Om mynwerkers van die moord op hul eie kollegas aan te kla, kan lei tot gevolge wat te ondenkbaar erg is, het Phosa gewaarsku.

“Ons het nie nou nog ’n Marikana nodig nie. Koelkoppe moet seëvier.”

Die 34 mynwerkers wat dood is, het gesterf toe die polisie twee weke gelede op ’n groep stakers by die Lonmin-myn geskiet het.

Die Marikana-sage stel volgens Phosa aan die ANC se leierskorps ’n belangrike vraag: “Hoekom het die werkers hul geloof in die wettige gesagsliggame verloor?”

Phosa word verbind aan ’n groep in die ANC wat wil hê dat Zuma in Desember met adj.pres. Kgalema Motlanthe vervang moet word as partyleier.

Phosa het ook ’n dwarsklap gemik na Zuma se militarisering van die polisie en gesê die land moet eerder in die rigting beweeg waar die polisie onder burgerlike beheer is, “soos in Kodesa voorsien is”.

Intussen het genl. Riah Phiyega gister gesê polisielede wat aan korrupsie of ander misdade skuldig bevind word, sal summier afgedank word, berig Llewellyn Prince.

Phiyega, nasionale polisiekommissaris, het ’n vergadering van leiers van die polisievakbond Popcru in Pretoria toegespreek.

“Ons taak as die polisie is om Suid-Afrika veilig te hou en ons sal nie ons taak verloën nie.

“Ons neem ook met hartseer kennis van die groeiende tendens van moorde op polisielede tydens die uitvoering van hul pligte.”

Phiyega wou nie self kommentaar lewer oor die stand van sake ná die Marikana-slagting nie.

Oor korrupsie en misdadigheid onder polisielede het sy gesê dit het die polisiediens van sy reputasie en respek van die publiek beroof. “Ons moet ’n zero verdraagsaamheid-strategie toepas teen enige polisielid wat aan korrupsie skuldig bevind word.”

Lees Rapport se kommentaarbeleid

Lewer kommentaar op hierdie artikel
31 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-16°C Showers early. More sun than clouds. Cool. Pta: 8-20°C Sunny. Mild.
Jhb: 5-14°C Sunny. Refreshingly cool. Bfn: 0-13°C Sunny. Cool.
Dbn: 11-21°C More sun than clouds. Cool. PE: 11-17°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!