Vas nadat sy ma oor skinder kla

2012-12-22 23:57

Lood Birk (38)

Lesersfoto’s Stuur vir ons jou foto's  ·  Stuur vir ons jou foto's

Die moord op sy vrou het hom katatonies gelaat en die skinderstories dat hy die moordenaar is, “vertrap twee wonderlike families”.

Natalie Birk, ma van Lood (38), wat Dinsdag aangekeer is ná die wreedaardige moord op Annemarie Birk (41), het die gemeenskap van Ermelo in Oktober in ’n brief aan ’n koerant aangeval.

Sy het uit Swellendam aan die Highveld Tribune, wat in Ermelo versprei word, geskryf: “Mag elkeen wat hierdie brief lees sy kop in skaamte sak en diep nadink of hy/sy enige Christelike waardes het, en dit toepas.

“My seun was gestroop van sy menswees. Van skok het Lood katatonies geword. Sy suster moes so te sê alles behartig, ook toe hy per ambulans vervoer is na ’n kliniek in Pretoria.

“Intussen moes ek probeer heel maak wat ’n booswig onregmatig in ons lewens gebreek het. Waar was die gemeenskap van Ermelo?

“Die gemeenskap van Ermelo het geskinder. Met jul geskinder het jul op die leed en hartseer van twee wonderlike families getrap. Skaam julle, gemeenskap van Ermelo.”

Die moord op Annemarie (41), ’n “saggeaarde en kunstige” musiekonderwyseres aan die Hoërskool Ermelo, het in September skokgolwe deur die gemeenskap gestuur. Sy is keelaf gesny en verskeie kere met ’n mes in die maag gesteek.

Lood is saam met Mxolisi Malinga (27), die egpaar se tuinier, aangekeer.

Die Birks was kinderloos.

Ná die grumoord het Birk beweer sy vrou het hom by die werk gebel en oor die foon geroggel. Hy het huis toe gejaag en haar bebloede lyk in die slaapkamer gekry.

Malinga was langer as sewe jaar die egpaar se tuinier.

Inwoners van Ermelo het openlik daaroor bespiegel dat Birk betrokke was by sy vrou se moord.

Annemarie se pa het ’n beroerte gekry voordat dit aan die lig gekom het haar man is glo die baasbrein agter haar moord.

Okkie Slabbert (73) van Somerset-Wes het met die beroerte breinskade opgedoen en kan nie praat nie, sê ’n familielid.

“Dit gaan ook nie goed met sy vrou (Anna, 80) nie.”

Annemarie se selfoon was sedert die moord vermis en is sowat ’n maand gelede naby die provinsiale hospitaal gevind. Die polisie het glo belangrike getuienis daarop gekry. Die motief is steeds duister, sê die polisie in Ermelo.
Bok Martins, skoolhoof, sê Annemarie se moord was ’n “absolute tragedie”.

“Sy was ’n tipiese musiekmens, stil, sag en teruggetrokke. Sy was dierbaar en ’n uiters talentvolle musikant.”

* Birk, ’n IT-spesialis, en Malinga is Donderdag op borgtog van onderskeidelik R3 000 en R500 vrygelaat.

Lees Rapport se kommentaarbeleid

Lewer kommentaar op hierdie artikel
7 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-16°C Rain showers. Morning clouds. Cool. Pta: 13-32°C Sunny. Pleasantly warm.
Jhb: 14-26°C Sunny. Pleasantly warm. Bfn: 9-21°C More sun than clouds. Mild.
Dbn: 18-36°C Afternoon clouds. Hot. PE: 14-21°C Partly sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!