Veiliger seks gou deel van leerplan

2012-10-20 23:33

’n Kind van so jonk as 12 jaar oud sal binnekort kondome by ’n gesondheidswerker by sy skool kan kry, maar dit beteken nie kondome sal onverantwoordelik uitgedeel word nie.

Só verseker dr. Saadhna Panday van die departement van basiese onderwys ouers wat bekommerd is oor die uitdeel van kondome as deel van die departemente van gesondheid en basiese onderwys se geïntegreerde skool­gesondheidsprogram.

Dit behels onder meer dat gr. 7- tot gr. 12-leerlinge individuele berading oor seksuele en reproduksiegesondheid kry en ook gr. 4- tot gr. 6-leerlinge, waar dit aangevra word.

Panday, direkteur van gesondheidsbevordering, sê dit sal ’n private gesprek tussen die leerling en ’n professionele gesondheidswerker wees.

Afhangende van hoe die gesprek verloop, sal die gesondheidswerker vir die leerling kondome kan gee.

Panday sê daar is met organisasies van onder meer onderwysers, hoofde en skoolbeheerliggame ooreengekom dat skole ouervergaderings moet hou voordat die mobiele klinieke die skool besoek.

Deelname aan die gesondheidsprogram is vrywillig en ouers, asook kinders van 12 jaar af, moet vooraf toestemmingsvorms onderteken.

Panday sê ’n beheerliggaam kan besluit watter dele van die gesondheidsprogram hy wil toelaat.

“’n Mens moet in gedagte hou in ’n peiling is bevind 37% van leerlinge in gr.?8 tot gr.?11 is seksueel aktief.”

Die seksuele gesondheidsopvoeding is deel van ’n baie wyer gesondheidsprogram waarvan die doel is om ’n kind in gr. 1, gr. 4, gr. 8 en gr. 10 te ondersoek vir probleme met onder meer gehoor, sig en tande, asook vir siektes soos tuberkulose.

In die program gaan eers gefokus word op die armste skole en oor die volgende vyf jaar uitgebrei word.

Dr. Jaco Deacon, adjunkhoof van die Federasie van Beheerliggame van Suid-Afrikaanse Skole (Fedsas), sê hulle ondersteun die beginsel van die program.

“Kinders moet gesond wees om te kan leer.”

Dit sal egter baie omsigtig hanteer moet word, want die seksuele en reproduktiewe gesondheids­aspekte kan ouers baie ontstel en ouergemeenskappe verdeel.

Beheerliggame moet “100% eienaarskap” van die program by hul skole kan neem en kerke, welsyn- en ander nie-regerings­organisasies behoort ook by besluite betrek te word.

Die nie-regeringsorganisasies Equal Education (EE) en Treatment Action Campaign (TAC) het egter ernstige probleme met die moontlikheid dat beheerliggame die program en leerlinge se toegang tot kondome kan belemmer.

Internasionale navorsing toon dat seksopvoeding in skole en die beskikbaarstelling van kondome glad nie seksuele bedrywighede onder adolessente laat toeneem nie.

Verskeie organisasies het die afgelope week in hul kommentaar oor die program na teenstrydig­hede in die betrokke wetgewing verwys.

Kinders jonger as 16 wat instem tot seks met mekaar, oortree die wet en enigiemand wat daarvan weet, het ’n regsplig om dit aan te meld.

Daarteenoor kan kinders van 12 jaar af voorbehoedmiddels kry.

Tukkies se Sentrum vir Kinderreg het vroeër die hooggeregshof namens twee nie-regeringsorganisasies genader oor die grondwetlikheid van die kriminalisering van instemmende seks tussen kinders van 12 tot 16 en die verpligte aanmelding daarvan.

Dié wetgewing kan veroorsaak dat kinders nie om hulp vra nie, en sou hulle wel aangekla word, sal hulle deur blootstelling aan die strafregstelsel getraumatiseer word.

Lees Rapport se kommentaarbeleid

Lewer kommentaar op hierdie artikel
18 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-19°C Sunny. Mild. Pta: 12-30°C Sunny. Pleasantly warm.
Jhb: 12-26°C Sunny. Pleasantly warm. Bfn: 13-30°C High level clouds. Pleasantly warm.
Dbn: 18-33°C More sun than clouds. Hot. PE: 12-21°C More sun than clouds. Mild.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!