Veiligheidsbedryf word ‘veiligheidsbedreiging’

2012-09-16 00:27

Nuwe wetgewing sal oudmisdadigers verbied om as veiligheidswagte te werk of ander veiligheidsdienste te verskaf.

Voorts sal net Suid-Afrikaners in die private veiligheidsbedryf mag werk.

Tans word mense met vaste verblyfreg ook toegelaat en is 7 080 buitelanders, meestal van Afrika, as wagte geregistreer.

In “belang van nasionale veiligheid” plaas die Wysigingswetsontwerp op die Regulering van die Private Veiligheidsbedryf ook ’n beperking op die bedrywig­hede van internasionale veiligheidsmaatskappye deur te vereis Suid-Afrikaners moet ’n meerderheidsaandeel in plaaslike filiale hê.

Die vereiste raak internasionale multimiljardrand-maatskappye soos Chubb, ADT en Top Security wat plaaslik veiligheidsdienste verskaf, maar deur buitelanders besit word.

Volgens die ministerie van polisie is dié stappe noodsaaklik weens die “toenemende bedreiging wat die deelname van buitelanders in die veiligheidsbedryf vir nasionale veiligheid inhou”.

Nadat die kabinet die wetsontwerp goedgekeur het, het Maggie Sotyu, adjunkminister van polisie, gesê die regering kan nie ’n “parallelle” private veiligheidsmag toelaat waaroor hy geen beheer het nie.

Daar is tans 8?830 private veiligheidsmaatskappye met meer as 411 109 veiligheidswagte – bykans drie keer soveel as die lede in die polisiediens.

“Ons wil in totale beheer wees in die land waar ons regeer,” het Sotyu gesê. Volgens haar sal die wet ook verseker die private veiligheidsbedryf is aan die regering verantwoordbaar.

Dié bedryf het die afgelope dekade aansienlik uitgebrei. Daar is vandag 60% meer maatskappye en meer as dubbel soveel veiligheidswagte as in 2001. Intussen het die reguleringsowerheid vir die private veiligheidsbedryf (Psira) te min geld en personeel om te verseker net geregistreerde maatskappye en wagte lewer veiligheidsdienste. Daar is ook “misdadige elemente” en gebrekkige beheer oor vuurwapens.

Psira het in die 2010-’11-boekjaar met ’n begrotingstekort van R23 miljoen gesit. Die waghond se enigste inkomste is die jaarlikse registrasiekoste wat hy van maatskappye en wagte invorder, maar ingevolge die wetsontwerp sal belastingbetalers voortaan tot Psira se beursie bydra en sal die ouditeur-generaal sy finansiële state oudit.

Internasionale maatskappye sal vyf jaar tyd hê om te voldoen aan die vereiste dat Suid-Afrikaners die beherende aandeel (51%) in plaaslike filiale moet hê.

Die polisieminister kan “in belang van nasionale veiligheid” dié vereiste persentasie aandeelhouding selfs verhoog afhangende van die soort diens wat ’n maatskappy verskaf (soos bewaking, BBP-beskerming, private ondersoeke, noodreaksie en transito).

Waar mense met ’n misdaadgeskiedenis voorheen tot die bedryf toegelaat is ná ’n afkoelperiode van tien jaar, is dit nou onwettig om ’n veiligheidsdiens te lewer as jy voorheen aan ’n misdaad skuldig bevind is.

Die wetsontwerp wat pas in die parlement ter tafel gelê is, vereis ook dat Psira ’n register hou van die vuurwapens in private maatskappye se besit.

Lees Rapport se kommentaarbeleid

Lewer kommentaar op hierdie artikel
7 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-14°C Numerous showers. Morning clouds. Cool. Pta: 7-26°C Sunny. Pleasantly warm.
Jhb: 9-21°C Sunny. Mild. Bfn: 2-15°C Mostly sunny. Refreshingly cool.
Dbn: 12-23°C Partly cloudy. Mild. PE: 10-21°C Showery. Mostly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!