Vorster-familie briesend oor verdagte borg kry

2012-09-09 01:06

Die familie en vriende van die vermoorde gewese krieketspeler en Namibiese sakeman Louis Vorster is woedend nadat een van sy vermeende moordenaars weer op vrye voet is.

Ephraim Vincent Nkosi (43) is eergister in die Krugersdorp-landdroshof op borgtog van R20?000 vrygelaat, terwyl die polisie steeds soek na vyf ander lede van die roofbende wat Vorster in April vanjaar doodgeskiet het.

’n Sindikaat het dié 46-jarige voormalige krieketspeler vermoedelik meer as 70?km ver agtervolg nadat hy vroeër die dag in ’n winkelsentrum in die ooste van Pretoria geld getrek het.

Vorster is doodgeskiet toe hy by die Total-vulstasie langs die N14-snelweg tussen Pretoria en Krugersdorp stilgehou het.

Die rowers het ’n groot bedrag geld by hom gebuit.

Nkosi is reeds op 25 Julie naby sy huis in Benoni aangekeer.

Hoewel die polisie dit nie wou bevestig óf ontken nie, verneem Rapport by bronne na aan die ondersoek dat Nkosi met verskeie ander gewapende rooftogte verbind word – én dat hy vermoedelik vir ander sake op borgtog uit was toe Vorster vermoor is.

Kapt. Appel Ernst, ’n polisiewoordvoerder, het by navraag gesê die polisie soek steeds na die ander verdagtes.

“Ons wou nie vroeër die besonderhede van sy (Nkosi se) arrestasie bekend maak nie, want ons was bang dat die ander verdagtes dan op die vlug sou slaan,” sê Ernst.

“Die staat het Nkosi se aansoek om borg teengestaan, maar hy sal weer binnekort in die hof verskyn.”

Flip van Huyssteen, ’n private ondersoeker van Pretoria, het aan Rapport gesê Nkosi en vyf van sy makkers word verbind met “verskeie ander” gewapende rooftogte.

Van Huyssteen is kort ná die moord deur familie van Vorster gevra om met die ondersoek te help.

Hy het binne 72 uur kringtelevisie-beeldmateriaal van Vorster se moordenaars gehad en gehelp om dié mans, waaronder Nkosi, te identifiseer.

Volgens Marco van Niekerk, ’n jare lange vriend van Vorster, is sy familie “woedend” oor Nkosi se vrylating én dat sy beweerde medepligtiges steeds soek is.

“Die polisie is steeds niks nader aan die ander verdagtes as twee maande gelede nie en die gesloer is onaanvaarbaar,” sê Van Niekerk.

“Ons sal dié week regsadvies kry oor hoe om voort te gaan met die saak.”

* Rapport het in Junie berig die polisie het die hulp van twee van die land se voorste speurders – oudbrig. Piet Byleveld en dir. Bushy Engelbrecht – in die soektog na Vorster se moordenaars van die hand gewys.
Byleveld is kort ná die moord deur die Protea-krieketspeler Albie Morkel gevra om te help.

Vorster, ’n linkskolwer wat in sy speeldae met die legendariese Graeme Pollock vergelyk is, is in Potchefstroom gebore en het tussen 1985 en 2009 in 95 eersterangse wedstryde vir onder meer Noordwes, Transvaal en Noord-Transvaal gespeel.

Hy het later na Namibië verhuis en het ook dié land se nasionale span verteenwoordig.

Lees Rapport se kommentaar beleid

Lewer kommentaar op hierdie artikel
6 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 18-24°C High level clouds. Mild. Pta: 12-26°C Mostly sunny. Pleasantly warm.
Jhb: 11-21°C Morning clouds. Mild. Bfn: 10-24°C Mostly sunny. Mild.
Dbn: 18-28°C Afternoon clouds. Warm. PE: 16-21°C Mostly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!