Vriendekring se twee traumas in drie dae

2012-07-30 06:40

Eckart Wessels van Kaapstad is Maandag dood toe hy ’n hond van ’n treinspoor af wou red en toe self deur die trein buite Stellenbosch getref is. Hy was ’n voltydse model.| Foto: www.modelmayhem.com

Lesersfoto’s Stuur vir ons jou foto's  ·  Stuur vir ons jou foto's

Wat ’n heuglike mondigwording moes wees, het vir ’n meisie van Swellendam in ’n dubbele gru-treurspel geëindig.

Haar vriend Eckart Wessels (21) is die dag voor haar 21ste verjaardag dood toe hy probeer het om vriende se jack russell, Lea, voor ’n aankomende trein naby Stellenbosch te red.

Die ongeluk het Maandag om 10:57 gebeur tussen die Du Toits- en Koelenhof-stasie langs die R304 buite Cloetesville, Stellenbosch, waar die spoor deur ’n oop veldjie loop.

Die trein het die Kaapse model getref en 500 m later tot stilstand gekom.

Die hondjie is ook dood.

Wessels en die meisie, wat verkies om anoniem te bly, het nog die nuus verwerk dat ’n vriend van hulle, Werner von Aswegen, drie dae vantevore selfmoord gepleeg het deur gif te drink.

Von Aswegen was besig met sy doktorsgraad in analitiese chemie op Stellenbosch.

“Ons vriendekring was soos ’n familie. Ons was almal baie naby aan mekaar,” het die meisie gister aan Rapport gesê.

“En hier moes ons Vrydag twee van ons ‘familie’ begrawe. Eckart is in Simonstad begrawe en Werner in Stellenbosch.”

Die meisie sê sy en Wessels het Sondagaand by ’n vriendin op die plaas Weltevrede oorgeslaap.

“Ek en Eckart het Maandagoggend gaan stap toe die drie honde van die plaas ons gevolg het.

“Ons het in die pad langs die treinspoor gestap toe Lea op die spoor gaan staan het.”

Sy sê hulle het die trein gesien aankom, maar albei het gedink daar is genoeg tyd om die hond van die spoor af te haal. “Ek en Eckart het op Lea gegil, maar sy het bly staan. Eckart het gehardloop om haar te gryp.

“Die volgende oomblik het ek net gesien hoe gaan die trein oor hom. Hy het nie ’n geluid gemaak nie.”

Die trein het eers 500 m verder tot stilstand gekom.

Die vriendin sê sy weet nie hoe die polisie op die toneel gekom het nie.

“Ek weet nie wat volgende gebeur het nie. Ek het net later gehoor ’n veiligheidswag wat daar naby was, het die polisie gebel.”

Sy sê baie mense vra nou of dit selfmoord was. “Dis glad nie die geval nie. Eckart wou die hondjie red. Hy het hom bloot met die afstand en spoed van die trein misgis. Dis net so tragies.”

Sy beskryf Wessels as “regtig amazing”. “Hy was altyd so positief en hy het altyd net die mooi raakgesien. En hy was gek na die natuur.

“Hy het altyd vir my gesê hoe mooi ek lyk.”

Francina Kruger, die eienaar van die huis waar die groepie vriende Sondagaand oornag het, sê sy was besig om beskuit te bak toe sy die trein hoor.

“Dit was so hartseer om te sien. ­Eckart en die meisie het gaan stap, en toe is dit net die meisie wat terugkom.”

Wessels het in 2009 aan die Hoërskool Richardsbaai gematrikuleer en het as model in Kaapstad gewerk.

Mthuthuzeli Swartz, die streekbestuurder van Metrorail in die Wes-Kaap, het die ongeluk as “tragies” beskryf.

Die masjinis is ná die ongeluk afgeboek om van die skok te herstel.

Sers. Zenobia Sedeman van die Cloetesville-polisiekantoor sê die saak word ondersoek.

Lees Rapport se kommentaar beleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-20°C High level clouds. Mild. Pta: 8-22°C Sunny. Mild.
Jhb: 5-17°C Sunny. Mild. Bfn: 3-17°C Sunny. Cool.
Dbn: 13-23°C Morning clouds. Mild. PE: 12-22°C High level clouds. Mild.
7-dag-voorspelling...

Betrekkinge - Vind jou droomwerk

Diesel Mechanic

South Africa
Planet 10 Mgt & Consulting
Market Related

Boilermaker

South Africa
Planet 10 Mgt & Consulting
Market Related

Contracts Manager

South Africa
Planet 10 Mgt & Consulting
Market Related

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

Uitverkoping vir 24 uur – 30% afslag op huisware & toestelle

Kry net vandag 30% afslag op uitgesoekte elektriese komberse, verwarmers, ketels, koffiemasjiene en nog baie meer. Aanbod geldig tot middernag 25 April. Solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!