Vrou verloor duisende in skelmstreek met selfoon

2012-02-18 22:53

Ingeloop. Mev. Joey Lourens van Krugersdorp wys hoeveel geld uit haar bankrekening verdwyn het nadat skelms haar selfoon se SIM-kaart geruil het. Foto: Nicolene Olckers

Lesersfoto’s Stuur vir ons jou foto's  ·  Stuur vir ons jou foto's

’n Weduwee was histeries toe sy besef skelms het derduisende rande uit haar bankrekenings onttrek nadat sy onder die indruk gebring is daar is ’n probleem met haar selfoon se SIM-kaart.

Mev. Joey Lourens (65) van Krugersdorp het op 24 Januarie altesame R66 284,57 verloor.

Dit was dieselfde dag wat ene ­Jacob, wat voorgegee het hy is van ­Vodacom, haar gebel en gesê het haar selnommer is per abuis aan iemand anders toegeken.

Hy het haar gevra om haar selfoon vir drie uur af te skakel sodat hy die fout kon regstel.

“Hy het gesê ek sou vir die ander persoon se oproepe betaal as ek nie my selfoon afskakel nie.”

Sy kon haar selfoon agterna nie weer aangeskakel kry nie en toe sy laataand haar bankrekening nagaan, het sy tot haar skok besef haar spaarrekening en die twee rekeninge van haar onderneming, wat promosiemateriaal verskaf, is leeggetrek.

Sy is die volgende oggend bank toe. “Absa het onmiddellik gesê dit is bedrog en my polisie toe gestuur om ’n saaknommer te kry.”

’n Skelm het blykbaar haar selfoonnommer oorgeneem terwyl haar foon afgeskakel was (’n SIM-kaart-ruiling), 15 nuwe begunstigdes aan haar rekening gekoppel, haar geld na daardie begunstigdes oorgeplaas en boonop R6 000 se SMS’e van haar nommer af gestuur, wat Vodacom onderneem het om nie van haar te verhaal nie.

Lourens het die hulp van Icco, ’n forensiese-ondersoeke-onderneming van Roodepoort, ingeroep.

Volgens me. Rianda Lessingh, uitvoerende hoof van Icco, blyk dit dat sowel Vodacom as Absa nalatig was.

“Ons het ’n toetslopie by ons kantoor gedoen en dit was doodmaklik om van ’n Absa-rekening onmiddellik geld oor te plaas na ’n nuwe begunstigde, terwyl ander banke gewoonlik ’n 24 uur-wagtydperk het.

“Dit is vir my baie vreemd dat die skelms dit kon regkry om 15 nuwe begunstigdes te skep, geld van een rekening na ’n ander rekening oor te plaas en ál die geld binne twee uur te trek.”

Absa het ontken dat hy aanspreeklik is vir Lourens se verlies omdat al die betwiste transaksies met haar persoonlike identifikasienommer gedoen is.

“Nou beweer hulle ek het my PIN vir iemand anders gegee, wat nonsens is,” sê Lourens.

“Absa ontken ten sterkste dat die bank se veiligheidsmaatreëls minder streng is as ander banke,” lui ’n verklaring deur die bankgroep.

“Absa het van die mees gevorderde en internasionaal aanvaarde tegnologie om ons kliënte te beskerm.”

Me. Ashleigh Dubbelman van Vodacom se korporatiewe kommunikasie-afdeling sê kliënte word gewoonlik ingeloop wanneer ’n “konsultant” van die bank jou bel om ’n “probleem” met jou bankrekening uit te klaar, só jou bankrekening se besonderhede kry en dan jou selfoondiensverskaffer ­skakel om ’n SIM-kaart-ruiling te doen.

Lees Rapport se kommentaarbeleid

Lewer kommentaar op hierdie artikel
29 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-15°C Heavy rain. More sun than clouds. Cool. Pta: 9-27°C Sunny. Pleasantly warm.
Jhb: 11-22°C Mostly sunny. Mild. Bfn: 8-21°C Showers late. More sun than clouds. Mild.
Dbn: 15-24°C Showers late. More clouds than sun. Mild. PE: 10-21°C Mostly sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!