‘Wonderbome’ lyk na verneukspul

2013-02-23 23:04

Lesersfoto’s Stuur vir ons jou foto's  ·  Stuur vir ons jou foto's

“Wonderwerk-bome” wat bio-diesel verskaf en selfs ’n einde aan wanvoeding kan maak...

Dis hoe ’n reuse-geldmaak­geleentheid bemark word vir mense wat “graag in hul toekoms wil belê”.

Na raming kan beleggers wêreldwyd straks byna R800 miljoen verloor weens die moont­like likwidasie van ’n maatskappy wat bedryf word uit luukse kantore in die Kaapstadse Waterfront.

Hy beskou dit as een van die grootste piramide-bedrogskemas tot nog toe, sê ’n regsgeleerde in ’n beëdigde verklaring wat hy Vrydag by die Kaapse hooggeregshof ingedien het.

Volgens dié prokureur het die beleggingsgroep Insight telemeisies en bemarkers ingespan om mense van regoor die wêreld te lok om geld te stort in die “opbrengs van die Moringaboom”, of “miracle tree”, in Mosambiek om ’n sogenaamde top-inkomste te skep.

Op hul webwerf (www.insightgroupplc.com) sê die groep hy het ook kantore in Hongkong, die Seychelle en Gambië. En al wat beleggers moes doen, is om ’n paar hektaar boom-aanplantings te “koop” teen sowat R30?000/ha, met die belofte van ’n goeie opbrengs op jou belegging.

Maar eergister het ’n aanvanklik gretige belegger van Polo­kwane, Sydney Kloppers (39), genoeg gehad van leë beloftes en ’n aansoek in die Kaapse hooggeregshof gebring dat Insight gelikwideer word.

Kloppers het twee jaar gelede oor die R100 000 aan Insight weggeteken en tot vandag nog nie ’n sent se opbrengs daarop gesien het nie.

Hy is glo die afgelope jaar ook van bakboord na stuurboord gestuur toe die “Mosambiekse arm” van die projek “misluk” het en ’n nuwe een glo in Gambië begin is. “Ek bring die aansoek in my persoonlike hoedanigheid, maar ek verteenwoordig ’n groot groep beleggers,” lui sy hofstukke.

Kloppers sê hy het sowat R30 000/ha betaal vir 4 ha Moringa-bome wat hy aangeskaf het ($3 312,50).

“As in gedagte gehou word dat 30 000 ha te koop aangebied is, beteken dit R795 000 000 ($99 375 000) is moontlik uit beleggers verkry.”

Kloppers se aansoek word aangevul deur ’n beëdigde verklaring van ’n Bellville-prokureur, Derick de Villiers, wat lui hy is einde 2010 genader om as regsadviseur vir Insight op te tree.

Hy was aanvanklik beïndruk deur hul werkwyse, asook die bestuurders – ene Joseph Upchurch en James Rowlatt.

De Villiers sê dit het hom egter gehinder dat die bemarkingsinligting “vaag” was.

“Insight se bestuursmaatskappy, Platinum, sou die boom Moringa Olyfeira, in Mosambiek plant. Dis ’n boom wat sowat 2?m hoog word. In Mosambiek is dit bekend as die ‘wonderwerk-boom’ vanweë sy voedsame blare. Insight wou biodiesel van die sade produseer. Die belegger kan dan geld belê in die reg om die grond te bewerk, of Platinum vra om dit namens hom te doen.”

Eersgenoemde opsie “is belaglik, want dis 14?000 km weg van die hoofbron van beleggers, naamlik Engeland”.

De Villiers sê in sy verklaring die maatskappybestuur het later met nog ’n idee vorendag gekom, naamlik om ’n grassoort met die naam Miscanthus Gigantheus, wat soorgelyke eienskappe het, te vestig.

De Villiers het begin lont ruik en na Mosambiek gereis om die “aanplantingsgrond” te besoek.

“Ek het ook met die plaaslike inwoners gesels. Ek het gesoek. Daar is nêrens sulke grond nie.”

Ná talle konfrontasies oor die “onetiese, oneerlike” optrede van die maatskappy het De Villiers bedank.

“Ek twyfel nie daaraan dat dit ’n piramide- of Ponzi-skema is waar ou beleggers deur nuwes betaal word nie. ’n Suid-Afrikaanse maatskappy is geskep om massiewe bedrog regdeur die wêreld te pleeg. Die beleggers kom meestal uit Engeland, maar tot so ver as Indië.”

Kloppers se saak word behartig deur Serf Hurter Prokureurs van Bellville.

* Rapport het navrae gestuur na vier afdelings van Insight wat op die webblad getoon word. Al vier e-posse het onmiddellik teruggebons. Die landlyn van die kantoor lui nie, net ’n beset- of ontkoppelingstoon word gehoor.

Lees Rapport se kommentaarbeleid

Lewer kommentaar op hierdie artikel
17 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-20°C Partly cloudy. Mild. Pta: 10-25°C Sunny. Pleasantly warm.
Jhb: 7-20°C Sunny. Mild. Bfn: 6-22°C Sunny. Mild.
Dbn: 15-20°C Decreasing cloudiness. Cool. PE: 13-19°C Scattered showers. Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!