Xhosas sê Britte moet kom bieg
2013-01-05 23:23
- Artikelopsies
- Deel
- Kry Rapport op
Lubabalo Ngcukana in Johannesburg
Die Xhosa-koning Mpendulo Sigcawu wil hê koningin Elizabeth II, haar familie en haar regering moet na sy Nqandu Great Palace reis om verskoning te vra vir die moord op sy voorvader koning Hintsa in 1835.
Zolani Mkhiva, Sigcawu se woordvoerder, het aan City Press, susterkoerant van Rapport, bevestig dat die versoek amptelik aan pres. Jacob Zuma oorhandig is. Zuma het verlede maand die Hintsa-dapperheidsprys ontvang. Hy het dit as sy prominentste prys tot nóg toe bestempel.
Mkiva het gesê koning Sigcawu het Zuma gevra vir die regering se hulp om die ontmoeting met koningin Elizabeth en haar regering te reël.
“Ons eis nie ’n verskoning nie, maar ons wil hê koningin Elizabeth II moet jammer sê aan die mense teenoor wie haar troepe verkeerd opgetree het,” het Mkhiva gesê.
Die storie lui dat Harry Smith, ’n 19de-eeuse Britse weermagbevelvoerder, sy soldate opdrag gegee het om die ongewapende koning Hintsa tydens die grensoorloë te vermoor.
Mkhiva het bygevoeg: “Ons wil versoen raak met die Britte, maar ons moet hierdie saak eers bespreek.”