Zille bly, maar die hare gaan nog waai

2012-11-17 23:28

Helen Zille sal vir minstens nog twee jaar lank DA-leier wees.

Dr. Wilmot James, een van haar bondgenote, gaan ook waarskynlik sy pos as federale voorsitter behou wanneer dié party sy nuwe leiers volgende naweek in Boksburg kies.

Niemand sê Zille die stryd aan as leier nie, maar James word deur Masizole Mnqa­sela, DA-LP van Khayelit­sha, uitgedaag.

Mnqasela het met verlede jaar se parlementêre koukusverkiesing uitgevaar teen Lindiwe Mazibuko en Zille, wat haar openlik gesteun het om Athol Trollip, tóé die DA se parlementêre leier, uit die kussings te lig.

Rapport verstaan James het wye steun onder partyleiers in die meeste provinsies.

Die werklike stryd lê tussen Wes-Kaapse en Gautengse groepe wat hul invloed in die party wil versterk. Die stryd wentel om die kandidate wat om die drie federale adjunkvoorsitter-posisies meeding.

Anchen Dreyer, DA-LP van Gauteng, Dianne Kohler Barnard, DA-LP van KwaZulu-Natal, en dr. Ivan Meyer, die DA se Wes-Kaapse leier, is die huidige bekleërs.

Meyer is nie beskikbaar nie en het Bonginkosi Madikizela, sy mede-LUR in die Wes-Kaapse regering, benoem.

Dreyer is ’n belangrike stem vir Afrikaanses op die federale raad. Haar mededinger is dr. Annelie Lotriet, DA-LP van die Vrystaat.

Nog mededinging uit Gautengse geledere kom van Stevens Mokgalapa, DA-LP; Makashule Gana, DA-jeugleier, en Mmusi Maimane, nasionale DA-woordvoerder. Maimane is James se gekose kandidaat vir een van dié posisies en het waarskynlik ook Zille se steun.

Kohler Barnard se mededinger in KwaZulu-Natal is Sandy Kalyan, DA-adjunkhoofsweep, wat hoop om die eerste Indiër in die federale raad te word.

Ná die OD se samesmelting met die DA is dit ook belangrik om groter OD-verteenwoordiging in die raad te kry. Joe McGluwa, OD-leier in die parlement, ding mee om een pos.
Zille het Dinsdag in Kaapstad gesê mededinging is belangrik.

“Ons is nie die ANC nie. Wanneer mense in die DA verkiesings verloor, word hulle nie verwerp nie,” het sy gesê by die bekendmaking van die aansluiting by die DA van Nosimo Balindlela, voormalige Cope-LP en ANC-premier van die Oos-Kaap.

Balindlela is genooi om die federale kongres as ’n BBP-afgevaardige by te woon.

Gesprekke met Cope-leiers dui daarop dat samewerking met die DA wenslik is, maar dis te vroeg om van ’n grootskaalse oorlopery te praat.

“Die meeste wag tot net voor die verkiesing in 2014. Om nou jou LP-salaris kwyt te raak, is kortsigtig,” het ’n Cope-LP gesê.

Lees Rapport se kommentaarbeleid

Lewer kommentaar op hierdie artikel
12 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-25°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 2-21°C Sunny. Mild.
Dbn: 8-22°C Morning clouds. Cool. PE: 13-25°C Sunny. Pleasantly warm.
7-dag-voorspelling...

Betrekkinge - Vind jou droomwerk

Sales Representative

North West
Vermont Sales
R3 500 Per Month

Sonographer

KwaZulu-Natal
Workforceworldwide
R25 000 - R35 000 Per Month

Respiratory Therapist

Western Cape
Workforce Worldwide
R25 000 - R33 000 Per Month

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!