Zuma het ‘unieke behoeftes’

2012-10-07 00:17

Thulas Nxesi, minister van openbare werke

Lesersfoto’s Stuur vir ons jou foto's  ·  Stuur vir ons jou foto's

Pres. Jacob Zuma het weens sy landelike agtergrond en kultuur unieke veiligheidsbehoeftes en die staat moet daaraan voldoen, of Suid-Afrikaners nou daarvan hou of nie.

Voorts is die volle omvang van die peperduur verbeterings aan Zuma se Nkandla-tuiste in Zoeloeland ’n staatsgeheim.

Thulas Nxesi, minister van openbare werke, het Vrydag gesê die Grondwet waarborg kulturele diversiteit en Zuma se kultuur en groot gesin moet gerespekteer word. “Die president kom van ’n landelike gebied met ’n unieke omgewing en klimaat.

“Of julle sy familie aanvaar of nie, hulle woon daar (Nkandla) en ons moet hulle beskerm. Daar is groot verskille tussen ’n wit stedelike familie en ’n landelike swart familie,” het Nxesi gesê toe hy gepeper is met vrae oor hoe staatsbesteding van meer as R200 miljoen aan Zuma se private Nkan­dla-tuiste geregverdig kan word.

Volgens Nxesi is soortgelyke veiligheidsverbeterings aan oudpress. Nelson Mandela en FW de Klerk se wonings aangebring gedurende hul ampstermyne.

“Dieselfde is gedoen by die plekke waar hulle verkies het om te woon. Die bedrae en skaal sal verskil, want die omstandighede (van waar hul wonings geleë was) verskil.”

Nxesi voer aan die R203 miljoen wat genoem word in dokumente wat aan City Press, susterkoerant van Rapport, uitgelek is, is “verkeerd” en “onbevestig”.

Hy wou nie die regte bedrag gee nie, want die openbaarmaking van besonderhede van die verbeterings en koste sal Zuma se veiligheid bedreig. “Niemand sal ooit weet hoeveel aan die huidige president, of vorige presidente, bestee word nie. Dis geklassifiseerde inligting.”

Nxesi het vrae oor hoeveel dae Zuma by Nkandla deurbring en of dít die kostes regverdig, as “onregverdig” afgemaak.

Hy het gewaarsku die amptenaar wat die dokumente uitgelek het, sal uitgesnuffel word. “Ek kan nie sulke mense in my departement duld nie.”

* Anchen Dreyer, DA-LP en woordvoerder oor openbare werke, sê sy gaan alle moontlike meganismes in die parlement inspan om by die volle waarheid van die Nkandla-verbeterings uit te kom.

“Suid-Afrika het skole, hospitale en huise nodig, nie paleise vir sy presidente nie.”

Lees Rapport se kommentaarbeleid

Lewer kommentaar op hierdie artikel
13 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-15°C Rain showers. Mostly cloudy. Cool. Pta: 13-32°C Sunny. Pleasantly warm.
Jhb: 14-26°C Sunny. Pleasantly warm. Bfn: 8-20°C More sun than clouds. Mild.
Dbn: 17-36°C Sprinkles late. More sun than clouds. Hot. PE: 15-21°C Showers early. Partly sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!