Zuma wen

2012-12-01 23:58

pres. Jacob Zuma

Lesersfoto’s Stuur vir ons jou foto's  ·  Stuur vir ons jou foto's

Pres. Jacob Zuma sal in Mangaung vir ’n tweede termyn herkies word as ANC-leier. 

Die benoemingsproses, wat gister sy hoogtepunt bereik het, wys Zuma is reeds verseker van meer stemme as wat hy gaan nodig hê by die regerende party se leiersberaad wat vandag oor twee weke in die Vrystaatse hoofstad begin. 

Zuma het sover die steun van 2 259 ANC-afgevaardigdes, ’n raps meer as die 2 250 wat hy nodig het om ’n tweede termyn as partyleier te verseker. 

Hierteenoor het adj.pres. Kgalema Motlanthe slegs 482 benoemings vir president. 

Drie provinsies waar die benoemingsproses ineengestort het, sal saam 986 afgevaardigdes na Mangaung stuur en kan nie juis die uitslag swaai nie. 

Zuma se voorlopige steunsyfer sluit nie die afgevaardigdes in van die ANC-vroueliga en die veteraneliga nie. 

Albei steun hom, maar Rapport het hul stemme uitgesluit, aangesien hul finale uitslae nog beslis word. 

Elk van die ANC se drie ligas stuur 45 lede na Mangaung. 

Provinsiale uitvoerende leiers het 180 stemme. 

Dit lyk of Motlanthe se doppie geklink is. Die 156 benoemings wat hy gekry het as adjunkpresident word verdwerg deur die 1 851 benoemings in dieselfde posisie vir die sakeman Cyril Ramaphosa, wat eers betreklik onlangs tot die leierstryd toegetree het. 

In Gauteng, waar Motlanthe as president benoem is, begin ondersteuners ’n nederlaag aanvaar. 

“Ons weet Kgalema gaan verloor, maar hy ding mee om ’n punt te maak,” sê ’n sleutelfiguur in Motlanthe se veldtog in Gauteng. 

Zuma se vroeë oorwinning is bittersoet. 

Drie provinsiale benoemingsprosesse het ineengestort te midde van geweld en daar was ’n sluipmoordaanval op ’n provinsiale sekretaris. Benoemings in Limpopo en Noordwes was teen gisteraand nog uitstaande en in die Wes-Kaap is dit vroegaand eers hervat. 

Die ANC se spertyd vir benoemings het om middernag gister verstryk. Hierdie provinsies verteenwoordig minder as ’n kwart van die afgevaardigdes wat in Mangaung byeenkom. 

In Limpopo is strydende faksies Vrydag met traangas en vuurwapens uitmekaargejaag. 

In Noordwes het gewapende mans Vrydagoggend op Kabelo Mataboge, die provinsiale sekretaris, voor sy huis in Mahikeng losgebrand. 

Die Oos-Kaap, Motlanthe se laaste hoop op ’n Mangaung-oorwinning, het Zuma gekies. 

Motlanthe se ondersteuners in Mpumalanga en die Oos-Kaap beplan om beswaar aan te teken teen die uitslae. 

’n Nasionale uitvoerende komiteevergadering is vir môre vasgestel om klagtes aan te hoor. 

“Die uitslag (hiervan) is ’n groot probleem,” het ’n Motlanthe-ondersteuner gesê. 

Motlanthe het Vrydag teen kiesbedrog voor Mangaung gemaan toe hy buitelandse korrespondente toegespreek het: “Ons is goed bewus van prosesse wat bedrieglik is en dit vertroebel die eindproduk.” 

Hy het gesê hy “wroeg” nog daaroor of hy ’n benoeming moet aanvaar. Kanniedood- Motlanthe-ondersteuners sê hy sal meer steun in Mangaung hê, want dit is daar makliker om stemme weg te steek wat afwyk van wat op tak-vlak besluit is. 
– Bykomende beriggewing: Suné Kitshoff, ­Sabelo Ndlangisa en Sipho ­Masondo

Lees Rapport se kommentaarbeleid

Lewer kommentaar op hierdie artikel
52 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-18°C Sunny. Mild. Pta: 2-19°C Sunny. Mild.
Jhb: 3-15°C Sunny. Cool. Bfn: 0-19°C Sunny. Mild.
Dbn: 9-23°C Sunny. Mild. PE: 8-24°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Good Morning, Mr Mandela van Zelda la Grange

Good Morning, Mr Mandela vertel die uitsonderlike verhaal van hoe ’n jong vrou se lewe, oortuiginge, vooroordele en alles waarin sy eens geglo het verander is deur die grootste man van haar tyd. Nou R221. Plaas jou voorafbestelling nou!

Bespaar 25% op die gewildste 25 boeke!

Kry 25% afslag op die topverkoperboeke, wat insluit Low-Carb Living for Families, The Book Thief, How to Train Your Dragon en nog baie meer. Koop nou!

Tot 60% afslag met die opruimingsverkoping!

Bespaar tot 60% op toestelle, boeke, elektroniese ware, speelgoed, flieks en nog baie meer. Aanbod geldig solank voorraad beskikbaar is. Koop nou!

Nuwe Afrikaanse uitreikings

Sien jy uit na die nuutse Afikaanse titels? ’n Vuurwarm verskeidenheid boeke is beskikbaar by kalahari.com. Bestel nou!

Good Morning, Mr Mandela van Zelda la Grange

Good Morning, Mr Mandela vertel die uitsonderlike verhaal van hoe ’n jong vrou se lewe, oortuiginge, vooroordele en alles waarin sy eens geglo het verander is deur die grootste man van haar tyd. Nou R221. Plaas jou voorafbestelling nou!

Besoek www.kalahari.com vir miljoene boeke, musiek, DVD's, games & meer!