Kyk net so, Staatsteater

2012-11-17 23:51

Lesersfoto’s Stuur vir ons jou foto's  ·  Stuur vir ons jou foto's

"Ons moet nog met die uitvoerende hoof onderhandel oor regte. Maar dit is die finale ronde. Ons is baie opgewonde,” het Karen Meiring, hoof van Afrikaanse kanale by MultiChoice, eergister gesê.

Dr. Quinton Simpson, sedert Mei uitvoerende hoof van die Staatsteater in Pretoria, is op ’n missie om die teater se voortbestaan met selfgegenereerde inkomste te verseker.

Hy het Woensdag in die parlement aan die portefeuljekomitee oor kuns en kultuur gesê die teatersentrum, wat onder meer vyf teaters insluit, kom deesdae sy geldelike verpligtinge na en het inkomsteplanne tot duskant 2015. Dié teater moes in 2000 amper sy deure sluit.

Rapport verstaan Simpson was ’n welkome aanstelling. Musiek speel deesdae in die teatergange en die mure is weer kleurryk.

Simpson, nie van die teaterwêreld nie, sê hulle het bestekopname gedoen. Ontwikkelingsteater werk nie.

“Nie swart of wit mense stel hierin belang nie en met beperkte besteebare inkomste vir vermaaklikheid is daar nie ondersteuning hiervoor nie.” Hy sê die Nasionale Lotery borg dié projekte.

Een teaterwerker reken dié projekte kon die laaste nege jaar nie op die been kom nie. “Die stelsel werk nie. Hoewel die produksies ’n begroting het, betaal dit salarisse en is daar nie geld vir rekwisiete of verf nie. Die show is gewoonlik leeg.”

Dis ’n groot probleem, sê Simpson. Die Staatsteater is maar gemiddeld 40% vol. Dramas kry nie aftrek nie.

“Swart en wit teatergangers hou van borrelgom-produksies en musiekvertonings. Swart mense verkies jazz en wit mense opera of Afrikaanse musiek.” Hy sê dit kos R2 miljoen om ’n opera vir twee weke op die planke te bring.

Amanda Strydom, ikoon van die Afrikaanse teater, meen ligte vermaak is goed, maar “mens moet darem ’n ordentlike maaltyd” kry.

“Balans is so belangrik. Wanneer die estetiese afgeskeep word, bloei ’n volk dood weens ’n gebrek aan ordentlike voedingstof. Hulle raak gewoond aan gemorskos. Dis verstommend dat kunstenaars in hierdie genres oorsee moet wyk om die erkenning te kry wat hulle verdien,” het sy aan Rapport gesê.

Dit het gebeur met Mies Julie, wat luidens The New York Times Amerika aan die gons het, maar in die Staatsteater misluk het en gekanselleer is.

Nog ’n teaterwerker beskryf dit as een van haar afgryslikste teaterervarings. “Mense wat nie gewoond is aan teater nie is van die straat ingenooi omdat daar so baie leë sitplekke was. Hulle het gelag en die akteurs ontstel met hul uitlatings...”

Die bemarking van die Staatsteater is glo skraps. ’n Paar plakkate word in en om die teatersentrum aangebring, opgevolg deur min of geen persverklarings of radio-onderhoude.

“Produksies moet maar self die bemarking hanteer as hulle mense wil lok,” sê een bron.

Volgens Simpson is komplimentêre kaartjies nie meer ’n uitweg nie.

“Sowat 65% van die komplimentêre kaartjies word gebruik,” het hy gesê.

Een teaterwerker sê hulle verwys reeds na die kykNET-teater. “Dalk voel mense gemakliker met ’n bekende naam daaraan gekoppel.”

Lees Rapport se kommentaarbeleid

Lewer kommentaar op hierdie artikel
2 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-18°C Morning clouds. Mild. Pta: 2-21°C Sunny. Mild.
Jhb: 3-16°C Sunny. Cool. Bfn: -2-17°C Sunny. Mild.
Dbn: 8-21°C More sun than clouds. Cool. PE: 11-17°C Mostly sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!