Mag jy lewe tot jy doodgaan

2012-10-07 00:24

Vief. b.nw.: Lewendig, geestig, opgewek. Uit Latyn (vivus). – e-HAT

Vandag se woord is opgedra aan Luther Uys van Wakkerstroom, op 95 sekerlik een van Rapport se oudste, maar mees lewenslustige lesers.

Ná ’n stilte kom daar anderdag weer ’n e-pos-briefie van hom aan – soos gewoonlik vol kwinkslae, universele wyshede, maar veral patos.

In Engels sal ’n mens na hom as ’n sage (ringkop) kan verwys, hoewel hy niks daarvan sal wil hoor nie.

“Die stilte aan my kant moet ek verduidelik. ’n Jaar gelede het ek herstel van klierkanker, ná sewe maande van chemoterapie het ek dit oorleef en is ek as ‘skoon’ verklaar.

“Toe beskou ek myself as onverganklik, as ek kanker kon oorleef sal ek vir altyd leef, altans dit is wat ek my verbeel het.

“Maar toe tref die spreekwoord my ‘Moet nooit jou vermoë oorskat nie’. Ek val toe oor ’n voetstoeltjie en daar lê ta.

“Ek word toe opgeneem in ’n versorgeenheid, onder omstandighede gaan dit bo verwagting goed. So word ek bewus van ’n paar grondwaarhede.

“Moet nooit te selfversekerd praat of ’n opinie uitspreek oor ’n onderwerp wat jy net gesien het, maar nie persoonlik ondervinding van het nie.

“Ek wat in staat was tot enigiets, is nou aangewese op die hulp van ander. Dit is mos ‘lekker’ dat jy kan terugsit en alles vir jou laat doen. Ja-wel, nie vir my nie, daarvoor was ek te aktief gebore.

“’n Storietjie. ’n Griekwa word deur die weer doodgeslaan, by die begrafnis sê die mense, ‘Gister was hy so fris as ’n vis in die water, daar lê hy nou, hy kan sy stert nie roer nie.’ Ek ook nie.

“’n Ander storie: Koos van der Merwe loop langs die watervoor en daar sit ’n seuntjie en huil.

“Koos verneem: ‘Waaroor huil jy so?’ ‘Ag oom, sien jy daardie groot seuns, ek kan nie doen wat hulle besig is om te doen nie.’ Koos oorweeg die antwoord en gaan sit langs die seuntjie en begin ook bitterlik huil, want hý kan ook nie doen wat die groot seuns besig is om te doen nie.

“Ek ook nie. In kort, pas aan by jou oorblywende vermoë. By elke draai tref dit my dat ek moet aanvaar dat ek nie die man is wat ek altyd was nie.

“Maar waarvoor ek dankbaar is, is dat die kleingeld wat vir my uitgekeer is, ís en moet genoeg wees. Hoeveel mense tien jaar en jonger as wat ek is se verstand is shot, daarmee heen.

“Ek met my 95 jaar verstom my aan baie wat jonger as ek is wat net opgehou het om te leef.

“Dit bring my by die volgende storie. Twee manne dreig mekaar en die een sê vir die ander: ‘Jy sal dit berou tot die dag van jou dood, dit is as jy só lank leef.’

“’n Lawwe storie, dit het my 30 jaar geneem om die waarheid daarvan te besef. Hoeveel mense gaan dood voordat hulle te sterwe kom. Ek het besluit dat ek sal leef tot ek te sterwe kom.”

Sela.

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-22°C Sunny. Mild. Pta: 4-19°C Sunny. Mild.
Jhb: 3-15°C Sunny. Cool. Bfn: 0-18°C Sunny. Mild.
Dbn: 8-26°C Sunny. Mild. PE: 9-26°C Sunny. Pleasantly warm.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!