Sensuur móét ons bekommer

2012-10-28 00:01

Lesersfoto’s Stuur vir ons jou foto's  ·  Stuur vir ons jou foto's

Een oggend in Mei was Liza Essers, eienaar van die Goodman-galery, nog met kraamverlof. Daardie middag was sy in die middel van ’n nasionale krisis. Die vloedgolf van woede oor Brett Murray se The Spear het uitgeloop op massa-betogings, hofaansoeke, doodsdreigemente en vandalisme.

Toe die appèltribunaal van die Rolprent-en-publikasieraad (FPR) onlangs die ouderdomsbeperking van 16 op The Spear ophef, was dit die einde van ’n ongelooflike reis van die absurde.

­Essers sê sy het net een emosie gehad: verligting.

En oorwinning? Regverdiging?

Nee, verlígting. Nie vir ons galery nie, maar vir kuns en kultuur in Suid-Afrika. Ons regstelsel het ons demokrasie nie in die steek gelaat nie.

Dink jy spraakvryheid is geknou?

Nee, waarskynlik nie, dank vader, want ons appèl het geslaag.

Die kommer oor sensuur strek wyd en ons behóórt bekommerd te wees.

Maar ek dink daar is tog ’n mate van optimisme en hoop... Hoe weet ’n mens egter of daar nie ander sensuurpogings sal kom nie?

Is kunstenaars nou bang om te waag?


Ek sou hoop kunstenaars is dapper genoeg om nie selfsensuur toe te pas nie. Kontemporêre kunstenaars se stemme is uiters belangrik; hulle is die barometers van ons samelewing.

Dis húlle wat ons ’n blik bied op waar ons as samelewing ons bevind.

Maar as kunstenaar moet jy ook verantwoordelik optree.

Verantwoordelik genoeg om kulturele sensitiwiteite in ag te neem?

Aanvanklik het ek my nie werklik gesteur aan kulturele sensitiwiteite nie.

Die uitstalling was eers in die Kaap en daar was geen reaksie nie, so ek het niks verwag nie.

My eerlike mening is dat die ANC die galery en kuns gebruik het as ’n politieke speelbal. Wat hulle gedoen het, was ongelooflik gevaarlik. Hulle het gefabriseerde woede en haat gestook en ek dink dit was uiters onverantwoordelik. Bygesê, as ’n klomp mense weens kulturele onsensitiwiteite werklik seergemaak en verneder voel, moet jy erkenning gee daaraan.

Hoe het die debakel jóú geraak?

Erg. Dit het ’n groot impak op my persoonlike lewe gehad. Ek het ’n ses weke oue baba by die huis gehad en skielik was ek toegegooi onder doodsdreigemente. Die woord traitor is op een van ons swart kurators se motor geverf. Dit het ontaard in ’n aaklige raskwessie, terwyl kuns die platform behoort te wees vir versoening, genesing; vir groei, vir dialoog. En dís wat my werklik hartseer gemaak het. In die apartheidsjare was die Goodman-galery by uitstek ’n ruimte vir aktivisme. Dié struggle-erfenis is misken. Dit is vir my ’n klap in die gesig.

Maar dit het my nié bang gemaak vir sensuur nie. Inteendeel. Ek is verbind tot kontemporêre kuns, asook die unieke rol daarvan in ons samelewing.

Kontemporêre kuns se aard is kontroversieel; dit ontlok debat.

En die toekoms?

Ek sal aangaan om hierdie werk ordentlik te doen. Die feit dat ons appèl geslaag het, herbevestig die galery as ’n ruimte vir kunsaktivisme.

Ek beskou dit as ’n kritieke presedent vir die toekoms van visuele kuns in Suid-Afrika.

Hanlie Retief het met Essers gesels.


Lees Rapport se kommentaar beleid

Lewer kommentaar op hierdie artikel
3 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-24°C High level clouds. Mild. Pta: 12-26°C Sunny. Pleasantly warm.
Jhb: 10-21°C Sunny. Mild. Bfn: 11-25°C Sunny. Mild.
Dbn: 20-26°C More sun than clouds. Mild. PE: 15-22°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!