Wegholaksie met houding

2012-08-25 23:27

Tony Scott

Lesersfoto’s Stuur vir ons jou foto's  ·  Stuur vir ons jou foto's

Niemand kon soveel stylvolle skop in ’n aksiefliek sit soos die rolprentregisseur Tony Scott, wat Maandag van ’n hangbrug in Los Angeles na sy dood gespring het, nie.

Hy het sy flieks gelooi met swiepende kamerabewegings, ’n cool houding, uitstekende produksiewaarde en blitssnelle redigering.

Daar is min regisseurs wat ’n wegholtrein soveel woema kon gee as Scott in Unstoppable, een van sy topflieks. G’n wonder Denzel Washington het vyf keer saam met hom gewerk nie; ook in Man on Fire, Crimson Tide en Deja Vu.

Tony, broer van Ridley Scott (regisseur van Gladiator, Thelma and Louise en Robin Hood), is in 1944 in Northumberland, Engeland, gebore. Hul ma het die twee gereeld fliek toe geneem en die broers het verlief geraak op kameras.

(Tony het, terloops, die hoofrol gespeel in sy ouer broer se debuut, Boy and Bicycle, wat hy in 1965 as finalejaarstudent aan die Royal College of Art gemaak het.)

Albei het hulle ná hul studie in die advertensiewêreld begeef en duisende advertensies geskiet voordat hulle uiteindelik rolprente begin maak het.

Anders as sy broer, wat ernstiger flieks gemaak het, het Tony dit sy lewenstaak gemaak om oppervlakkiger tekste met styl te vertolk.

In die proses het hy beweging en jaagtogte ’n stylvolle houding gegee soos min ander regisseurs. Hy was ook lief om kanse te waag.

Min mense het gedink Top Gun sou werk, maar dit het van Tom Cruise ’n superster gemaak.

Toe Cruise in Days of Thunder gespeel het, het Tony gegrinnik: “Sit hom agter ’n stuurwiel en druk ’n sigaret tussen sy lippe en die fliek werk.” (Ongelukkig was dit toe nie so maklik nie; die fliek was ’n mislukking.)

Hy het altyd stewige beheer oor sy rolprente gehad wat elk die Scott-stempel gedra het. So het hy Quintin Tarantino se draaiboek vir True Romance in ’n onverwagte sukses omgeskep, terwyl hy ’n stylvolle beeld van Keira Knightley in die psigedeliese Domino geskep het. Dit het aan surrealistiese aksie gegrens, want Scott het aksievrate na plekke geneem waar hulle nog nie voorheen was nie.

Sy helde was hardebaarde van min woorde wat nie geskroom het om tot aksie oor te gaan nie.

Scott het die gehoor selde kans gegee om eers aan die donker van ’n teater gewoond te raak voordat hy met blitsige aksietonele afgeskop het waarin die tollende kamera self ’n obsessiewe karakter geword het.

Scott, wat altyd ’n verbleikte, rooi bofbalpet gedra het (ooggetuies sê hy het dit opgehad toe hulle hom Maandag op die brug opgemerk het), was besig om aan Top Gun 2 te werk, asook om die derde reeks van TV se The Good Wife saam met Ridley te vervaardig ten tyde van sy dood.

Ridley was so ontsteld oor sy broer se dood dat hy die verfilming van sy jongste rolprent gestaak het.

Luidens berigte het Tony aan ’n ongeneeslike kanker van die brein gely. Hy word oorleef deur sy vrou en twee kinders.

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 10-18°C High level clouds. Mild. Pta: 2-21°C Sunny. Mild.
Jhb: 3-16°C Sunny. Refreshingly cool. Bfn: 0-19°C Morning clouds. Mild.
Dbn: 7-22°C Sunny. Mild. PE: 11-18°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Good Morning, Mr Mandela van Zelda la Grange

Good Morning, Mr Mandela vertel die uitsonderlike verhaal van hoe ’n jong vrou se lewe, oortuiginge, vooroordele en alles waarin sy eens geglo het verander is deur die grootste man van haar tyd. Nou R221. Plaas jou voorafbestelling nou!

Bespaar 25% op die gewildste 25 boeke!

Kry 25% afslag op die topverkoperboeke, wat insluit Low-Carb Living for Families, The Book Thief, How to Train Your Dragon en nog baie meer. Koop nou!

Tot 60% afslag met die opruimingsverkoping!

Bespaar tot 60% op toestelle, boeke, elektroniese ware, speelgoed, flieks en nog baie meer. Aanbod geldig solank voorraad beskikbaar is. Koop nou!

Nuwe Afrikaanse uitreikings

Sien jy uit na die nuutse Afikaanse titels? ’n Vuurwarm verskeidenheid boeke is beskikbaar by kalahari.com. Bestel nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!