Bloedspoor van die Batman-skieter

2012-07-23 05:52

Wyle Heath Ledger as The Joker in ‘n vorige Batman-rolprent. James Eagan Holmes het na homself as The Joker verwys.

Lesersfoto’s Stuur vir ons jou foto's  ·  Stuur vir ons jou foto's

Die jong man wat die naweek 12 mense gedurende ’n Batman-fliek in Amerika afgemaai het, het al die wapens wettig bekom en die patrone op die internet gekoop.

Nog 58 mense is gewond toe ­James Eagan Holmes (24) losgebrand het by ’n middernag-vertoning van die nuwe Batman-fliek, The Dark Knight Rises, in Aurora aan die buitewyke van Denver in Colorado.

Volgens Raymond Kelly, ’n se­nior polisiebeampte, was Holmes se hare rooi gekleur en het hy na homself verwys as “The Joker”, ’n bose karakter in die Batman-verhale.

Teen gister was 30 mense nog in die hospitaal, van wie 11 in ’n kritieke toestand.

Dan Oates, Aurora se polisiehoof, het gesê Holmes het in die laaste paar weke 6 000 patrone aanlyn gekoop en vier vuurwapens by plaaslike handelaars aangeskaf deur bloot ’n paar vorms in te vul en vir die arsenaal te betaal.

Die daaropvolgende bloedbad is die ergste skietvoorval in Amerika sedert die aanval op Fort Hood, Texas, in November 2009 toe ’n weermagsielkundige 13 mense doodgeskiet en meer as 24 gewond het.

Dit het opnuut die soeklig op die kultuur van wapeneienaarskap in Amerika laat val.

Pres. Barack Obama, wat die skietery “sinloos” genoem het, was vroeër in sy politieke loopbaan ’n voorstander van strenger wapenbeheer, maar het dié onderwerp nog glad nie in sy ampstermyn aangeraak nie.

Aan die vooraand van die Amerikaanse presidentsverkiesing, wat in November gehou word, is Obama én sy Republikeinse teenstander, Mitt Romney, bang om die magtige wapendrukgroepe die harnas in te jaag.

Kristin Goss, skrywer van die boek Disarmed: The Missing Movement for Gun Control in America, sê ernstige besprekings oor wapenbeheer is daarom onwaarskynlik vanjaar.

Die invloedryke National Rifle Association (NRA), wat sterk gekant is teen streng wapenbeheer, het in 2010 meer as $253 miljoen (sowat R2 miljard) in skenkings gekry van individue, wapenvervaardigers en wapenhandelaars en word gesien as ’n “gerekende krag” in die Amerikaanse politiek.

Deelstate soos Ohio, Pennsilvanië, Wisconsin, Virginië, Iowa en Noord-Carolina, wat vir Obama baie belangrik is in die verkiesing, het ’n magdom geesdriftige wapeneienaars.

Michael Bloomberg, New York se invloedryke burgemeester, het Obama en Romney nou uitgedaag.

“Dalk is dit tyd dat die twee mense wat president wil wees opstaan en ons vertel wat hulle gaan doen, want dit is kennelik ’n probleem oor die land heen. En almal sê altyd: ‘Is dit nie tragies nie?’”

Holmes was Vrydagnag gewapen met drie van sy vuurwapens en twee rookbomme toe hy die teater in ’n winkelsentrum waar The Dark Knight Rises vertoon is, binnegegaan het.

Hy het beskermende klere, ’n kopskerm en gasmasker gedra.

Die skietery gedurende ’n aksietoneel in die fliek het chaos laat losbars. Bebloede slagoffers het om hulp geskree en fliekgangers het na die uitgange gehardloop, het Jennifer Seeger, wat in die teater was, agterna gesê.

“Van die mense het selfs op die bloed gegly wat op die vloer was.”

Holmes is kort daarna in die parkeerterrein van die winkelsentrum in hegtenis geneem.

Die polisie wou nie uitwei oor wat hulle dink sy motief was nie.

By die polisie se aankoms by Holmes se blyplek het hulle talle plofstrikke aangetref. Vyf omliggende geboue is as voorsorgmaatreël ontruim en snuffelhonde is gebruik om geboue te fynkam op die kampus van die Universiteit van Colorado waar Holmes gewerk het.

Buiten ’n onbetaalde spoedboete, het Holmes geen misdaadgeskiedenis nie.

Sy familie het ’n verklaring uitgereik waarin hulle simpatiseer met die families van die oorledenes en waarin hulle ook vra vir privaatheid “om alles te verwerk”.

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 13-16°C Numerous showers. Decreasing cloudiness. Cool. Pta: 3-25°C Sunny. Pleasantly warm.
Jhb: 8-20°C Sunny. Mild. Bfn: 9-23°C Sunny. Mild.
Dbn: 10-30°C Sunny. Pleasantly warm. PE: 10-22°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!