Celine Dion wys sy kan ook stout poseer
2012-08-25 23:10
- Artikelopsies
- Deel
- Kry Rapport op
Die sangeres Céline Dion (44) het omtrent die oë laat rek deur halfnaak te poseer vir ’n Amerikaanse tydskrif.
Die tot nou toe preutse Dion het ’n fotograaf van die tydskrif V na haar huis in Florida genooi vir die fotosessie.
In een van die foto’s sit sy kaalbolyf voor ’n spieël met net ’n leerbroek en handskoene aan en hou haar borste toe.
In ’n onderhoud het Dion gesê sy was aanvanklik ’n bietjie skrikkerig vir die sessie omdat dit vir haar iets vreemds is.
“Maar ek is bly ek het dit gedoen. Daar is altyd ’n bepaalde rede om vir foto’s te poseer.
“Daar is nooit ’n geleentheid om net mal te gaan nie,” het sy aan die tydskrif gesê.
In die artikel praat sy oor ma-wees, haar loopbaan en liefde vir die Britse sangeres Adele se musiek.
Die foto’s sal in die tydskrif se September-uitgawe te sien wees met ’n halfkaal Nicole Kidman op die voorblad.