Dis mý teorie, sê speurder

2012-07-15 00:01

Stephen Birch (links) kuier in Februarie saam met Martin van Wyk (regs).

Lesersfoto’s Stuur vir ons jou foto's  ·  Stuur vir ons jou foto's

’n Wes-Kaapse private speurder beweer ’n jare lange kennis het sy ­ondersoek na die vermiste Britse meisie Madeleine (Maddie) McCann ­gekaap om roem en rykdom te bekom.

Rapport het verlede week berig Stephen Birch, ’n Wes-Kaapse eiendomsontwikkelaar, beweer hy het die graf van Maddie, wat in 2007 in Portugal uit haar ouers se hotel­kamer verdwyn het, met ’n grondpenetrasie-radarmasjien sowat 130 m van dié hotel gevind.

Nou beweer Martin van Wyk (47) Birch is net agter die beloning van £2,5 miljoen (sowat R32 miljoen) aan.

Van Wyk betwis Birch se bewering dat hy 15 maande aan die ondersoek gewerk het. “Hy het my eers in September verlede jaar gekontak om te vra of hy kan help. Ek werk al sedert kort nadat Maddie in 2007 vermis geraak het hieraan,” sê Van Wyk.

Volgens Van Wyk ken hy Birch al sedert 1992 en sou hulle in September vanjaar saam die vakansieoord in Portugal besoek het.

“Ek het al my navorsing, foto’s en teorieë met Birch gedeel. Die eerste ding wat hy wou weet, is hoeveel die beloning was, maar nou sê hy kamstig hy weet niks daarvan af nie?”

Van Wyk het aan Rapport erken dat hy self ook agter die reuse-beloning aan is, want “natuurlik wil jy weet daar’s iets aan die einde van die reënboog”.

Hy wou hom nie te veel uitlaat oor hoe hy by die soektog na Maddie betrokke geraak het nie, want hy het glo ’n siener gebruik en voel mense neem hom as gevolg daarvan nie ernstig op nie.

“Ek het al aan baie sake saam met haar (die siener) gewerk, maar toe ek dit vir die oorsese owerhede noem, wou hulle niks verder met my te doen hê nie.”

Een ding waaroor Van Wyk en Birch saamstem, is dat Maddie onder ’n nuwe pad in die agterplaas van Robert Murat (wat destyds die hoofverdagte in die verdwyning was en wie se familie die eiendom langs die hotel besit) begrawe is.

Volgens Van Wyk het die polisie die eerste keer Murat se erf afgesper meters van waar hy glo Maddie begrawe is en daarom het hulle haar toe nie gevind nie.

Birch het glo daarop aangedring dat hy die raaisel wil oplos en het Van Wyk tot sewe keer ’n dag gebel. “Hy’t my eendag gebel om te sê hy wil ook sien wat ek gesien het. Ek het gesê gaan as jy wil, maar moet net nie k*k aanjaag nie,” sê Van Wyk.

Volgens Van Wyk was hy geskok toe hy in die media lees oor Birch se bewerings dat hy Maddie se oorskot gevind het. “Ek het hom gebel om te vra: ‘Wat doen jy?’ Hy het net gesê hy doen sy eie ondersoek en wou nie verder met my praat nie.”

Birch het gister aan Rapport gesê Van Wyk se aantygings is vals en hy is deur sy prokureur aangeraai om geen uitlatings daaroor te maak nie.

Hy het ’n brief aan Maddie se ouers, Gerry en Kate McCann, gestuur om te vra hoekom hulle nie daarop aandring dat die owerhede die moontlike graf oopgrawe nie.

“Hulle is op pad Indië toe om daar na hul dogter te soek, maar hoekom kan hulle nie net daar gaan kyk nie?” vra Birch.

Lees Rapport se kommentaarbeleid

Lewer kommentaar op hierdie artikel
17 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-22°C Sunny. Mild. Pta: 4-21°C Sunny. Mild.
Jhb: 3-16°C Sunny. Refreshingly cool. Bfn: 0-19°C Sunny. Mild.
Dbn: 13-21°C More sun than clouds. Cool. PE: 8-18°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!