Egipte brand 2de keer in twee jaar

2012-12-11 11:55

Betogings het die afgelope week weer op die Tahrir-plein in Kaïro uitgebreek, dié keer teen pres. Mohamed Moersi se plan om die grondwet ingrypend te verander.

Dit kom skaars twee jaar nadat hulle die vorige staatshoof, Hosni Moebarak, ontsetel het.

’n Referendum oor wysigings wat strenger Islamitiese praktyke in die grondwet sal verskans, het gelei tot ’n breuk tussen Moslems wat die sjaria-wette nastreef en liberale wat menseregte vooropstel. Die National Salvation Front (NSF), die opposisie-koalisie teen Moersi en die regerende Moslem Broederskap (MB), is gekant teen Moersi se referendum volgende Saterdag waarin dié radikale wysigings na verwagting goedgekeur sal word.

Die geweld Woensdag en Donderdag waarin sewe mense dood en sowat 600 ernstig beseer is, is die ergste sedert Moersi in Junie aan die bewind gekom het.

Ná die geweld Woensdagaand is kennisgewings van veldhospitale Donderdag op Facebook geplaas indien die “vuurwerk weer sou opvlam”.

“Geen wapens word toegelaat nie. Bid vir ons,” het die boodskap gelui.

Al-Ahram, ’n staatsbeheerde koerant, het gister berig Moersi sal die weermag magtig om die polisie by te staan om orde te handhaaf. Die Egiptiese kabinet het ’n regsmaatreël goedgekeur waarkragtens die gewapende magte die betogers in hegtenis kan neem. Egipte se 83 miljoen burgers is dus opnuut vasgevang in politieke oproer terwyl die ekonomie steier.

Die politieke krisis het ook Amerika se aandag getrek omdat Moersi as bemiddelaar tussen Israel en Palestina optree.

Mohamed El-Baradei, voormalige hoof van die Verenigde Nasies se Atoomagentskap, het Vrydagaand op nasionale televisie gesê dialoog is net moontlik as Moersi die verordening herroep en die referendum uitstel. Egiptenare in die buiteland sal die volgende Woensdag stem.

Mahmud Mekki, adjunkpresident, het gesê Moersi kan slegs die referendum uitstel as die opposisie waarborg dat geen regsuitdaging op die referendumbesluit sal volg nie.

* Liberale en sekulêre teenstanders van die president het eergister by die presidensiële paleis byeengekom. Hulle het die doringdraad geknip en teen die buitemure van die paleis opgeklim om graffiti-boodskappe daarop te spuitverf.

Moersi-ondersteuners het ’n optog gehou en wraak gesweer oor dié wat in die week dood is.


Die Egiptiese weermag versper die gebied om die presidentswoning terwyl betogers slagspreuke teen hul nuwe staatshoof, pres. Mohammed Moersi, dreunsing. Die geweld weens verset teen sy voorgestelde wysigings aan die grondwet het die afgelope week op bloedige skermutselings tussen die betogers en die president se ondersteuners uitgeloop. Foto: Hassan Ammar/AP

Lees Rapport se kommentaar beleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 10-21°C High level clouds. Mild. Pta: 8-22°C Sunny. Mild.
Jhb: 5-17°C Sunny. Mild. Bfn: 4-16°C Sunny. Cool.
Dbn: 14-23°C Morning clouds. Mild. PE: 11-23°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!