Euro-tiese drag uit sexy 1970’s
2012-01-28 23:14
- Artikelopsies
- Deel
- Kry Rapport op
Sexy onderklere in die erotiese styl van sagte-pornografie-rolprente van die 1970’s.
Dít was die “bloudruk” van die ontwerpspan van die bekende Agent Provocateur-handelsmerk vir sy bemarkingsveldtog vir die Europese somer.
En beelde uit ikoniese rolprente soos Emmanuelle (wat uiteindelik ’n reeks van sewe rolprente geword het) en Story of O is as inspirasie vir hul foto’s gebruik.
Die ster van die veldtog is die Franse aktrise Mylène Jampanoï (31), wat onlangs in Clint Eastwood se rolprent Hereafter te sien was.
Die regisseur van die advertensies is Jordan Scott, dogter van die beroemde Britse regisseur Ridley Scott.
Jampanoï is die dogter van ’n Chinese pa en Franse ma en Scott het haar juis vanweë haar eksotiese voorkoms vir die veldtog gekies.
Agent Provocateur is in 1994 in Brittanje begin en is gerig op die gegoede mark.
Die “Daena-nagrok” wat Jampanoï byvoorbeeld op die foto dra, kos £695 (sowat R8 470) en die bra, uit dieselfde Daena-reeks, £110 (sowat R1 340).