Hillary se laaste Afrika-ampsbesoek

2012-08-04 23:43

Pres. Salva Kiir van Suid-Soedan het Vrydag spesiaal ’n Stetson opgesit vir sy vergadering met Hillary Clinton, Amerikaanse minister van buitelandse sake, in Juba.| Foto: Reuters

Lesersfoto’s Stuur vir ons jou foto's  ·  Stuur vir ons jou foto's

Hillary Clinton, Amerikaanse minister van buitelandse sake, gaan in Januarie ná die presidensiële verkiesing uit die politiek tree, het Amerikaanse amptenare bevestig.

Dit maak Clinton se besoek aan Suid-Afrika vandeesweek haar laaste as Amerikaanse regeringsamptenaar.

Clinton is op toer deur Afrika-lande en dié lys groei steeds.

Sy het reeds tyd in Senegal, Somalië, Suid-Soedan, Uganda, Kenia en Malawi deurgebring en die begrafnis van pres. John Atta Mills van Ghana bygewoon.

Sy sal moontlik ook ’n draai maak in Abuja, Nigerië, om pres. Goodluck Jonathan te besoek, wat verlede week in Jamaika was toe sy in Wes-Afrika was.

Dit is onseker of sy pres. ­Jacob Zuma in Suid-Afrika sal sien, hoewel haar amptenare glo probeer om so ’n vergadering te belê.

In Suid-Afrika sal Clinton wel met haar ampsgenoot, Maite ­Nkoana-Mashabane, vergader vir hul jaarlikse strategiese dialoog.

Dit is ’n diplomatieke struktuur waarin die buitelandse ministers interne en internasionale kwessies bespreek waarby albei lande betrokke is. Die opkomende strategiese dialoog sal nie net gemoedelik wees nie.

Kwelpunte tussen Suid-Afrika en Amerika vorm deel van die agenda, waarby Iran en Sirië ingesluit is.

Suid-Afrika het Iran se olie-uitvoer afgesny nadat Amerika gedreig het om Suid-Afrika se toegang tot die Amerikaanse geldelike stelsel te blokkeer. Maar Suid-Afrikaanse amptenare het dit duidelik gemaak hulle is nie gelukkig daaroor nie.

Ander kwessies wat spanning veroorsaak is  Sirië, waar Amerikaners wil hê president Bashir al-Assad moet uit die kussings gelig word terwyl die Suid-Afrikaners minder gemaklik voel met 'n veldtog wat regime-verandering sal teweegbring.

Daar word bespiegel dat Clinton se lang Afrika-toer te doen het met Amerika se vrees oor China se toenemende houvas op Afrika ten koste van Amerika.

Amerikaanse amptenare verwerp dit egter.

“Daar is genoeg beleggings om mee voort te gaan. Ons ding nie mee met China nie. Ons verwelkom China se verbintenis met Afrika. Daar is genoeg ruimte vir albei van ons.”

Clinton bring 15 sake-afgevaardigdes saam om geleenthede in Suid-Afrika te verken. Amptenare sê omdat Suid-Afrika hoofberigte in Amerika haal oor stakings en sprake van nasionalisering, is dit belangrik dat sakelui sélf sien hoe toestande in Suid-Afrika is.


Lees Rapport se kommentaarbeleid

Lewer kommentaar op hierdie artikel
4 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-18°C Sunny. Mild. Pta: 12-27°C Sunny. Pleasantly warm.
Jhb: 9-22°C Sunny. Mild. Bfn: 12-26°C Morning clouds. Pleasantly warm.
Dbn: 15-28°C High level clouds. Warm. PE: 17-26°C Rain late. Afternoon clouds. Warm.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

SLEGS EEN DAG - 50% afslag op 1000de speelgoed

Kry 50% afslag op 1000de speelgoed. Aanbod geldig vir uitgesoekte speelgoed. Koop nou! Terme en voorwaardes geld.

Besoek www.kalahari.com vir miljoene boeke, musiek, DVD's, games & meer!