Húlle is glo agter fliek oor profeet

2012-09-18 13:59

Die rolprent wat die afgelope week tot anti-Amerikaanse betogings in die Moslem-wêreld gelei het, is heel moontlik deur ’n Christelike organisasie gefinansier, deur ’n veroordeelde bedrieër geskryf en deur die regisseur van erotiese flieks vervaardig.

Terwyl die hele wêreld die laaste paar dae kop gekrap het oor wie verantwoordelik was vir dié rolprent wat Moslems in talle lande tot bloeddorstige anti-Amerikaanse betogings aangevuur het, blyk dit nou dit is deur ’n onwaarskynlike alliansie van gelowiges en ’n pornografiese rolprentmaker vervaardig.

’n Uittreksel van bykans 14 minute lank van Innocence of Muslims is op die internet beskikbaar.

Die fliek en die uittreksel beeld die profeet Mohammed as ’n sedelose bedrieër uit.

Tot gister was slegs die skuilnaam van die skrywer, ene Sam Bacile, bekend, maar gisteroggend het die polisie in Kalifornië ’n 55-jarige man, Nakoula Basseley Nakoula, aangekeer weens die vermoede dat hy Bacile is.

Hoewel die owerhede in die VSA benadruk het die skryf van die fliek is nie ’n misdaad nie, is Nakoula vir ondervraging aangekeer omdat hy ’n veroordeelde bedrieër is wat tans op parool is nadat hy tronkstraf van 21 maande uitgedien het.

Deel van sy paroolvoorwaardes is dat hy nie die internet mag gebruik of onder ’n skuilnaam kan optree nie.

Nakoula het vermoedelik die fliek geskryf en op die internet gelaai, wat daartoe gelei het dat ’n Egiptiese TV-stasie daarop afgekom en die geweld uitgebreek het.

Daar word voorts vermoed die fliek is gemaak deur ’n Christelike groep met die naam Media for Christ, terwyl die regisseur die 65-jarige Alan Roberts is, wat in die verlede al sagte pornografieflieks met name soos ­Young Lady Chatterley en The Happy Hooker-trilogie vervaardig het, berig die webwerf Gawker.

Intussen het die Amerikaanse regering laat blyk hy gaan soldate stuur om die anti-Amerikaanse geweld in die Moslem-wêreld te bekamp.

Ná ’n week waarin betogings by Amerikaanse ambassades in talle lande talle lewens geëis het, het ­Leon Panetta, die Amerikaanse minister van verdediging, aangekondig hulle gaan die buitelandse ontplooiing van hul troepe aanpas om dié geweld, wat steeds wyer uitkring, in bedwang te probeer kry.

Benewens die Amerikaanse ambassadeur in Benghazi, Libië, wat saam met drie van sy landgenote om die lewe gebring is, is minstens twee mense voor die ambassade in Soedan doodgemaak en ’n soldaat deur ’n aanvaller in Afganistan vermoor.

In albei gevalle is wraak oor die fliek as rede aangevoer.

Voorts is die VSA se ambassades in onder meer Libanon, Jemen, Indië, Tunisië en Egipte aangeval.

Selfs in Australië, waar dié soort geweld ongehoord is, het byna 500 Moslem-betogers gister die strate van Sydney ingevaar om eers voor die Amerikaanse ambassade te betoog en later na die middestad op te ruk.

Talle van hulle het plakkate gedra met slagspreuke soos: “Onthoof almal wat die Profeet beledig.” Reuters, AFP

Lees Rapport se kommentaarbeleid

Lewer kommentaar op hierdie artikel
13 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-18°C Sunny. Mild. Pta: 4-22°C Sunny. Mild.
Jhb: 6-17°C Sunny. Mild. Bfn: 3-23°C Sunny. Mild.
Dbn: 14-25°C More sun than clouds. Mild. PE: 14-24°C Mostly sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!