Kinders neul so hulle trou dalk
2012-01-28 23:14
- Artikelopsies
- Deel
- Kry Rapport op
Uiteindelik!
Dit lyk of Hollywood se bekendste glanspaar, Brad Pitt (48) en Angelina Jolie (36), kansel toe gaan stap.
Die Britse koerant Metro skryf die twee se ses kinders neul die laaste ruk om hul ouers se ore om te trou. “Ons sal eintlik wil, maar veral ons kinders wil dit hê (dat ons trou),” het Pitt in ’n onderhoud gesê.
’n Huwelik sal beteken dat die paartjie hul belofte verbreek om nie te trou voordat gay-troues in Amerika gewettig word nie.
“Ons het daardie onderneming lank gelede gegee, maar ek dink nie ons kan dit meer uithou nie,” het Pitt bygevoeg.
“Dit beteken baie vir my kinders en hulle vra aanhoudend. En dit beteken ook baie vir my om daardie soort belofte te maak.”
Pitt het aan The Hollywood Reporter gesê hulle sluit nie die moontlikheid uit om nóg ’n kind aan te neem nie.
“Daar is op die oomblik ’n goeie balans in die huis, maar as die behoefte daar is en ons kan sien iemand is in nood, dan vir seker.”
www.metro.co.uk