Komplot om Bieber te vermoor
2012-12-13 10:44
- Artikelopsies
- Deel
- Kry Rapport op
'n Veroordeelde moordenaar in Nieu-Mexiko het glo 'n sluipmoordenaar gehuur om die popsanger Justin Bieber te vermoor en te kastreer.
Die polisie in New York het egter die sluipmoordenaars in November vasgetrek nadat die gevangene die polisie van die plan vertel het voor dit uitgevoer is.
Nieu-Mexiko se KRQE News berig die veroordeelde moordenaar Dana Martin, wat twee lewenslange vonnisse opgelê is vir die moord en verkragting van 'n 15-jarige meisie in Vermont in 2000, het sy mede-gevangene Mark Staake en sy neef Tanner Ruane gehuur om die Kanadese sanger verlede maand in New York te vermoor.
Die sluipmoord sou tydens Bieber se vertoning by Madison Square Garden uitgevoer word.
Martin, wat glo 'n obsessie het met Bieber en 'n tatoeëermerk van die sanger op sy been het, het die polissie van sy plan vertel. Volgens sy plan sou Bieber en sy lyfwag ontvoer en verwurg word.
Volgens Martin sou Ruaneook die sanger kastreer.
Albei mans is in hegtenis geneem voor hulle kontak kon maak met die sanger en Ruane is in New York aangehou nadat gereedskap, insluitend 'n snoeiskêr, in sy besit gevind is.
– Channel24