Sy maak ogies vir my

2013-02-23 23:05

’n Google Glass-toestel. Dit bestaan uit ‘n spesiale brilraam sonder lense en met ‘n klein skermpie voor die een oog. | Foto: AP

Lesersfoto’s Stuur vir ons jou foto's  ·  Stuur vir ons jou foto's

In Amerika sê hulle: “Okay, Glass.”

Dalk sal ons op Afrikaans iets sê soos “Luister, ou glas” as ons ons slim brilrame om inligting vra.

Dit is nou as die Google Glass, ’n revolusionêre nuwe brilraam met ’n klein deurskynende skermpie voor een oog, so algemeen soos selfone sou word.

Die tegnologiereus Google het die afgelope week nuwe inligting bekend gemaak oor dié produk, wat hy hoop om vroeg volgende jaar te koop aan te bied.

Vroeë weergawes is aan ontwikkelaars in Amerika beskikbaar teen $1 500 elk (meer as R13 000).

Dave Duarte, ’n digitale bemarkingskonsultant van Kaapstad, voorspel dat dié “absoluut fassinerende” stuk tegnologie aan die begin “baie antisosiaal” sal wees.

Hy voorspel dit sal onder meer gewild wees onder sportlui wat hul prestasies wil meet of gevaarlike toertjies wil beeldsend terwyl hulle oefen, of motor­bestuurders wat hul bestemming met Google se kaarte wil vind en die aanwysings letterlik voor hul oë wil sien verskyn.

Met Glass sal jy waarskynlik vreemde mense se gesigte kan herken en inligting oor hulle kan verkry. “Mense sal baie versigtig wees vir diegene wat ’n Glass dra,” waarsku Duarte.

Net soos ’n mens kan agterkom dat iemand jou nie in die oë kyk wanneer julle gesels nie, sal jy kan sien iemand lees iets op sy Glass-skerm eerder as om na jou te luister, sê Duarte.

“Dit sal wees soos as iemand ’n teksboodskap op ’n selfoon lees terwyl hulle met jou praat.”

Selfone is reeds bekend daarvoor dat hulle mense se aandag aftrek. “Tot een in elke vyf mense loop in iets vas terwyl hulle teks op hul fone lees.”

Duarte wonder ook hoe dit sal wees om die hele dag ’n internettoestel aan jou kop te hê.

Die 500 uitverkorene ontwikkelaars en tegnologie-ghoeroes wat Google se nuwe katoeter kan koop om te toets, sal Google help vasstel waarvoor kopers dit uiteindelik sal gebruik.

Daar is natuurlik bedenkinge oor Glass. Lesers van The New York Times se webwerf waarsku Glass sal verkeersbotsings veroorsaak, mense in goed laat vasloop, mense nog meer selfgesentreerd maak en dat almal eintlik idioties sal lyk as hulle dit dra.

Ook adverteerders sal hul produkte onder jou neus wil vryf deur dit op die bril te laat verskyn, is gemaan.

Ene Joe se kommentaar is egter: “Weerstand is futiel.”

Google beloof ’n nuwe wêreld: Jy sal op die toestel se skerm kan lees hoe laat jou vlug vertrek. Jy sal jou bril gou vir ’n vertaling van ’n frase in ’n vreemde taal kan vra.
Of uitvind of die slang wat voor jou in die bergpaadjie lê giftig is deur daarna te kyk, ’n foto te neem en dit te Google.

En dit alles sonder om jou hande te gebruik, want Glass word geaktiveer met die woorde: “Okay, Glass.”

Julie Taylor, kommunikasiehoof van Google in Afrika suid van die Sahara, het aan Rapport gesê daar is nog nie ’n vaste bekendstellingsdatum vir Glass nie.

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 11-16°C Rain showers. Mostly cloudy. Cool. Pta: 12-27°C High level clouds. Pleasantly warm.
Jhb: 9-23°C Morning clouds. Mild. Bfn: 8-19°C Mostly sunny. Refreshingly cool.
Dbn: 18-22°C Showers early. Mostly cloudy. Cool. PE: 14-21°C Showers early. More sun than clouds. Mild.
7-dag-voorspelling...

Betrekkinge - Vind jou droomwerk

Financial Adviser

Roodepoort
Sanlam
R10 000 - R50 000 Per Month

Shipping Controller

Johannesburg
The Prestige Personnel Agency
R12 500 - R15 000 Per Month

Electrical Design Engineer (Senior)

West Rand
Carlysle Human Capital
R750 000 - R900 000 Per Year

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!