Maak kindermoordenaar se identiteit bekend, pleit Britse pa
2010-03-13 23:19
- Artikelopsies
- Deel
- Kry Rapport op
’n Britse pa wat verkeerdelik as die kleutermoordenaar Jon Venables uitgeken is, pleit nou by die sekretaris van justisie om Venables se regte identiteit bekend te maak.
Mnr. David Calvert (27), ’n pa van vier, het aan Sky News vertel hy leef in “vrees” nadat ’n Facebook- en SMS-veldtog hom as Venables, onder ’n nuwe identiteit, geëien het.
Venables is in 1993 as medepligtige skuldig bevind in die opspraakwekkende moord op James Bulger (2) in Bootle, Merseyside.
Die polisie ondersoek nou klagte van kinderpornografie teen hom.
Hy en Robert Thompson het met hul vrylating in 2001 nuwe identiteite ontvang omdat daar vir hul lewens gevrees is nadat hulle slegs agt jaar van hul vonnis uitgedien het.
“Tot hul (nuwe) name nie genoem en identiteite bekend gemaak word nie gaan ek die res van my lewe uitgestoot en verskree word,” het Calvert gesê. “Ek was trots op my naam, maar omdat mense dit vernietig het, is dit nie eens die papier werd waarop dit geskryf is nie.”
Die Facebook-blad is opgestel kort nadat bekend gemaak is dat Venables weer ondersoek word.
Teen die tyd dat die blad verwyder is, het dit reeds duisende gebruikers gelok. Sky News Online
- Rapport