Obama gryser en wyser

2013-01-20 01:29

Hy word nie meer as ’n Messiaanse figuur beskou wat die wêreld se probleme gaan oplos nie, maar pres. Barack Obama van die VSA is wêreldwyd steeds baie gewild.

’n Sigbaar gryser Obama word vandag in die stad Washington vir sy tweede termyn as Amerikaanse president ingehuldig.

Hy kon nie vrede in die wêreld se brandpunte bring nie en het nie veel gedoen om klimaatverandering te stuit of globale ekonomiese groei aan die gang te kry nie.

Obama word wel geloof dat hy ten minste nie nuwe oorloë begin het nie en probeer het om verhoudinge met die Moslem-wêreld te herstel, selfs al het hy Al-Kaïda en sy bondgenote aggressief vervolg.

Die Amerikaanse publiek loof hom dat hy VSA-troepe aan Irak onttrek het en dieselfde in Afganistan wil doen.

Terselfdertyd word hy onder meer gekritiseer omdat hy nie die tronk by ­Guantánamobaai, Kuba, gesluit het nie.

“Ek dink hy het ’n paar dinge wyser geword. Hy gaan homself meer laat geld. Hy is bereid om te baklei om die ekonomie aan die gang te kry,” het Curtis Gans, direkteur van die Amerikaanse Universiteit se sentrum vir die studie van die Amerikaanse kieserskorps, gesê.

In ’n videoboodskap wat voor die seremonie deur die Withuis uitgereik is, sê Obama: “Die land het al vantevore deur moeilike tye gegaan, maar ons het altyd anderkant uitgekom.”

Obama se tweede termyn begin amptelik vandag.

Die dag en tyd word deur die land se grondwet bepaal, maar omdat dit vanjaar op ’n Sondag val, word die openbare geleenthede môre gehou, wat ook ­Martin Luther King-dag, ’n Amerikaanse vakansiedag, is.

Na verwagting sal tot 800 000 mense môre die openbare seremonie bywoon wat om 11:30 daar begin.

Dit is heelwat minder as die 1,8 miljoen tydens sy eerste inhuldiging in 2009.

Die popsangeres Beyoncé sal vanjaar tydens die seremonie die volkslied sing. Die aand sal Obama en sy vrou, Michelle, na ’n militêre bal en een vir die publiek gaan.

Die Suid-Afrikaanse sangeres Lira is een van die kunstenaars uit Afrika wat die aand sal optree.Saamgestel deur Carien Kruger met behulp van Sapa-AP-AFP, The Telegraph, CNN.

Lees Rapport se kommentaar beleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-21°C High level clouds. Mild. Pta: 8-22°C Sunny. Mild.
Jhb: 5-17°C Sunny. Mild. Bfn: 4-17°C Sunny. Cool.
Dbn: 14-24°C Morning clouds. Mild. PE: 10-23°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!