Pamela op 44 immersexy
2012-01-21 22:48
- Artikelopsies
- Deel
- Kry Rapport op
Pamela Anderson is een van dié bekendste Baywatch-meisies.
En op 44 het sy nog ’n lyf wat elke man se kop laat draai.
Sy verskyn op die voorblad van die Januarie/Februarie-uitgawe van die Suid-Afrikaanse Playboy wat nou op die winkelrakke is.
Charl du Plessis, redakteur, sê mans hou daarvan om haar op die voorblad te sien.
“Die geskiedenis het bewys dat sy nog altyd ’n topverkoper was.
“Sy was al op die voorblaaie van 13 internasionale Playboy-uitgawes en almal het van die rakke af gevlieg.”
Die foto’s is geneem tydens haar mees onlangse fotosessie in Italië.
“Ons kon nie Lindsay Lohan vir die Suid-Afrikaanse uitgawe kry soos wat die Amerikaners gedoen het nie; daarom wou ons iemand gebruik wat net so groot in statuur is.”
Die uitgawe spog ook met 20 bladsye vol van Anderson se foto’s en begin by haar heel eerste fotosessies.
Du Plessis is net so opgewonde oor hul Playmate wat op 17 Februarie in Gauteng gekroon word.
“Sedert 1960 het Playboy elke maand ’n kompetisie om die Playmate van die Maand te bepaal – dis die meisie langsaan.”
Hy sê die Playmate van die Jaar word dan uit al die maandwenners gekies.
Vir die wenner wag daar groot pryse, onder meer ’n besoek aan die Playboy Mansion.