Premier val vir prikkelpop-poets
2013-02-03 01:01
- Artikelopsies
- Deel
- Kry Rapport op
Christine van der Westhuizen
Die premier van Serwië was die ongelukkige (of dalk gelukkige) slagoffer van ’n Basic Instinct-poets.
’n Wulpse TV-aanbieder het gedurende ’n onlangse onderhoud met hom haar bene oopgemaak om te wys dat sy, soos Sharon Stone in die fliek Basic Instinct, geen onderklere dra nie.
Die premier, Ivica Dacic (47), was nog besig om oor politieke kwessies te praat toe sy woorde eensklaps opdroog.
Hy kyk skalks, kyk weer en glimlag dan soos ’n skoolseun wat uitgevang is toe die aanbieder van posisie verander en hom iets vir die oog gee.
Die voormalige Playboy-model Branka Knezevic het ’n minirokkie gedra wat skaars borste en boude bedek het.
’n Video wat al meer as 7 miljoen keer op YouTube gekyk is, wys hoe die TV-span die poets beplan en hoe Knezevic haar onderklere uittrek.
Tydens die onderhoud sit die premier en die prikkelpop in twee lae stoele regoor mekaar.
Dacic se veiligheidsraadgewers het reeds laat blyk dat ’n ondersoek gelas is om uit te vind hoe die premier om die bos gelei is.
Bronne: Reuters, Daily Mail