Roemryke Oscar!
2012-08-07 14:15
- Artikelopsies
- Deel
- Kry Rapport op
Oscar Pistorius. ‘n Naam wat bekend is aan elke Suid-Afrikaner, maar nou ook op die tonge van wêreldberoemde Hollywood-sterre is! En dié bekendes doen selfs die moeite om op Twitter oor Oscar te praat.
Die bitterbek oud-joernalis en televisie-aanbieder, wat ook op America's Got Talent ‘n beoordelaar was, Pierse Morgan, tweet: “heldhaftig – Pistorius".
Die hoofskrywer van die program The Late Show with David Letterman, Eric Stangel, sê op Twitter dat Oscar se deelname aan die uitdunne “een van die beste dinge is wat ek al ooit in sport gesien het".
“Oscar Pistorius maak geskiedenis. Hy is ‘n ongelooflike atleet en persoon,” tweet Joe Jonas, lid van die musiekgroep, Jona Brothers.
Die akteur, Samuel L Jackson, wat al in meer as 100 films sy verskyning gemaak het tweet: “Dit maak nie saak wie jy is nie, dit is hartroerend! Suid-Afrikaanse atleet is ‘n ware voorbeeld van menslike vasberadenheid. Rock voort dude!”
Denise Richards, model, aktrise en die eks-vrou van Charlie Sheen, sê op Twitter dat Oscar Pistorius ‘n inspirasie is.
“Suid-Afrika se Pistorius “ Blade Runner” is ongelooflik en so ‘n inspirasie,” tweet die akteur, Mario Lopez.