Stertjie van agter en vlerke raam dit

2012-07-15 00:01

’n Goue engel. Candice Swanepoel op die Victoria's Secret-loopplank tydens ’n modevertoning in November verlede jaar in New York.| Foto: REUTERS

Lesersfoto’s Stuur vir ons jou foto's  ·  Stuur vir ons jou foto's

Suid-Afrika se supermodel Candice Swanepoel het die afgelope week gewys sy is as’t ware goed “agterbaks”.

Swanepoel (23) is onlangs aangewys as een van die top-tien- begeerlikste vroue ter wêreld. Sy is boonop in die boonste tien op die tydskrif Forbes se lys van die bes betaalde modelle ter wêreld.

En nou het Swanepoel (23), een van die voorste Angels van die modehuis Victoria’s Secret, gewys sy is beslis nie altyd ’n engeltjie nie.

Sy het ’n sexy foto van haar boude, skraps bedek met ’n eina-broekie, getwiet aan haar amper 180 000 volgelinge op Twitter.

En haar derrière word omraam deur haar gekartelde hare en die kenmerkende “engelvlerke” van die modehuis.

Swanepoel het verlede maand veel meer van haar soepel lys gewys toe sy op smaakvolle naakfoto’s in die tydskrif Muse verskyn het.

Op dié treffende swart-en-wit foto’s staan sy teen ’n grou muur en hou toe wat bedek moet word.

Sy het in minder as agt jaar die toppunt van die modelleer bereik nadat sy op 15 deur ’n model-agent op ’n vlooimark in Durban raakgesien is.

’n Jaar later het sy reeds verskeie kere in Europa modelwerk gedoen.

Sy het twee jaar lank tussen Parys, Milaan, Londen en Suid-Afrika gereis vir modelwerk en toe na New York verhuis.

Haar loopbaan het met mening koers gekry toe sy in 2010 gekontrakteer is deur Victoria’s Secret, straks die gesogste modelkontrak ter wêreld.

Volgens Forbes se lys van bes betaalde modelle het sy van Mei 2011 tot Mei 2012 $3,1 miljoen (sowat R25 miljoen) verdien. Gisele Bündchen was die sewende agtereenvolgende jaar bo-aan dié lys – met ’n astronomiese $45 miljoen (sowat R371,5 miljoen).

* Swanepoel is tiende op die lys van die mees begeerlike vroue ter wêreld in ’n opname wat deur www.askmen.com gedoen is.

Sofia Vergara, ster van die komediereeks Modern Family, is in die eerste plek, Scarlett Johansson sewende, Kim Kardashian agste en Rihanna nét bo Swanepoel.
Bron: Daily Mail



Lees Rapport se kommentaarbeleid

Lewer kommentaar op hierdie artikel
7 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-19°C Sunny. Mild. Pta: 8-19°C Sunny. Mild.
Jhb: 6-14°C Sunny. Cool. Bfn: 3-18°C Sunny. Mild.
Dbn: 11-22°C More sun than clouds. Cool. PE: 9-22°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!