Zanu-PF wil alleen regeer

• Artikelopsies
  • Druk artikel
  • e-pos artikel
• Deel
  • Yahoo
  • Google
  • Digg
  • del.icio.us
  • Facebook
  • Twitter
• Kry Rapport op
  • Jou selfoon

Prof. Jonathan Moyo sê Zimbabwe se koalisie-regering is wanfunksioneel. | Foto: Leon Sadiki

Foto's   ·   Lesersfoto’s   ·   Nuus in Foto's Stuur vir ons jou foto's  ·  Stuur vir ons jou foto's

Pres. Robert Mugabe se Zanu-PF-party wil binnekort weer die alleenheerser in Zimbabwe wees.

Jonathan Moyo, Zanu-PF-parlementslid en lid van Mugabe se politburo, meen die koalisieregering met die MDC-faksies van Morgan Tsvangiraien Arthur Mutambara is wanfunk­sioneel. Ingevolge ’n magsdelingsooreenkoms is Mugabe president, Tsvangirai premier en ­Mutambara adjunkpremier.

Moyo, wat Idasa in Pretoria Dinsdag toegespreek het, meen dié gesamentlike regering is ’n “onderhandelingsforum” eerder as ’n kabinet.

“Belangrike regerings- en beleidsbesluite word by MDC-ministers se huise of in luukse hotelkamers in rusoorde met bier-, tee- en braaivleispartytjies geneem.”

Zanu-PF beskou ook Zimbabwe se konsepgrondwet wat twee weke gelede bekend gestel is “as ’n politieke pamflet wat grotendeels aan ander Suider-Afrikaanse lande s’n ontleen is”.

’n Verkiesing moet binne tien maande gehou word, maar Moyo meen dit moet nog vanjaar gebeur.