Kiek-en-Kyk: Aanwysings
2011-07-09 13:10
- Artikelopsies
- Deel
- Kry Rapport op
Kry dit, kiek dit, kyk dit!
Kry meer uit Rapport met splinternuwe tegnologie. Op sommige plekke in die koerant sal jy ’n strepieskode sien. Deur dié kode met jou selfoon te skandeer, sal jy op interessante inhoud afkom wat afgelaai kan word, soos videogrepe en skermbeelde. Leer hier hoe om die TAG READER-program op jou foon te laai.
Hierdie aanwysings sal net werk as jou slimfoon op die internet kan kom én 'n kamera het.
Om te begin moet jy ’n program genaamd Tag Reader op jou selfoon aflaai.
Gaan só te werk:
STAP 1 LAAI DIT AF
Daar is twee maniere om die Tag Reader-program op jou foon te kry:
In jou foon se deurblaaier, gaan na
en klik op Download.
Die toepassing is 1 MB en dis gratis, maar jy sal jou selfoondiensverskaffer se datakoste moet betaal.
As jy ’n slimfoon soos ’n BlackBerry het, gaan na die foon se toepassingswinkel en kliek op Tag Reader.
STAP 2 KIEK
Gaan na die Tag Reader (dit behoort in jou downloadskieslys of in jou appskieslys te wees). Maak dit oop.
Hou jou selfoon oor die ikoon asof jy ’n foto gaan neem. Party fone sal vanself die ikoon skandeer; met ander sal jy ’n foto daarvan moet neem.
STAP 3 KYK DIT
As dit nie vanself speel nie, gaan na jou foon se mediasentrum en kliek op die videogreep wat jy pas afgelaai het om daarna te kan kyk.
Lekker kyk!